د لوړو زده کړو وزیر د غزني تخنیکي پوهنتون اتمې دورې فراغتغونډه کې محصلین د افغانستان ابادۍ کې ونډې اخیستلو ته وهڅول

naser_admin
یکشنبه ۱۴۰۴/۶/۹ - ۱۳:۵۱
Hshjsjxkdksnxjd

 

په هغه غونډه کې، چې د یادو محصلینو د فراغت په موخه په غزني تخنیکي پوهنتون کې جوړه شوې وه، د لوړو زده کړو وزیر سربیره، د چارو ادارې لوی رئیس، د امر با المعروف او نهي عن المنکر وزارت نظامي مرستیال، د مرکزي دارالافتاء غړی مفتي محمد طاهر احمد، د امارتي ادارو یو شمېر استازو، د غزني تخنیکي پوهنتون رهبري پلاوي، استادانو، محصلینو او د فارغو محصلینو د کورنیو غړو ګدون کړی و.

 

د لوړو زده کړو وزیر محترم شیخ الحدیث مولوي نداء محمد ندیم صاحب د یادو محصلینو له فراغت څخه د خوښۍ څرګندولو تر څنګ؛ هغوی د افغانستان ابادۍ کې وڼدې اخیستلو ته وهڅول.

 

محترم شیخ صاحب فارغو محصلانو ته په خطاب کې وویل: « نظام تاسو ته ضرورت لري تاسو هڅه وکړئ، چې د خپل مسلک او رشتې مطابق د افغانستان په بیارغونې او پرمختګ کې ونډه واخلئ او له موجوده فرصت څخه ښه استفاده وکړئ.»

هغه زیاته کړه، چې د دې نظام حفاظت ستاسو ځوانانو مکلفیت دی. موږ ټول باید د نظام په هغو چارو کې مرسته وکړو کوم، چې ورته اړتیا وي او نظام ورسره لا غښتلی کېږي.

نوموړي همدارنګه له فارغ شويو محصلانو وغوښتل، چې د افغانستان د دښمنانو دسیسو او بې ځایه تبلیغاتو ته د پام نه کوي او په خپل ملک کې دې پاتې شي، ځکه دا ملک د ټولو کور دی او پر ټولو یو شان حق لري.

همدارنګه په دغه غونډه کې د چارو ادارې لوی رئیس شیخ نورالحق انور په خپلو خبرو کې یادو محصلانو ته د مبارکۍ ویلو ترڅنګ، د محصلانو پر زده کړو، د استاد، نصاب او تحصیلي چاپریال پر اغېزو مفصلې خبرې وکړې.

همدا راز په غونډه کې د امر بالمعروف او نهي عن المنکر وزارت نظامي مرستیال، د غزني ولايت مرستيال والي، د غزني تخنیکي پوهنتون رئیس او يو شمېر نورو علماء کرامو او مشرانو هم د بېلا بېلو موضوعاتو په اړه ارزښتناکې خبرې وکړې.

د یادونې وړه ده چې د غزني تخنيکي پوهنتون له اتمې دورې الکترو میخانیک او جيولوژي او کانونو له پوهنځیو څخه ۱۴۴ تنه انجنیران فارغ او ټولنې ته د خدمت په موخه وړاندې شول.

نیټه: یکشنبه:

۱۴۴۷ هـ.ق د ربیع الاول ۷

۱۴۰۴ هـ.ش د وږي ۹ مه

۲۰۲۵ م د اګست ۳۱ مه

تازه خبرونه

یکشنبه ۱۴۰۴/۶/۹ - ۱۳:۵۱
Background image

د لوړو زده کړو وزیر د غزني تخنیکي پوهنتون اتمې دورې فراغتغونډه کې محصلین د افغانستان ابادۍ کې ونډې اخیستلو ته وهڅول

 

په هغه غونډه کې، چې د یادو محصلینو د فراغت په موخه په غزني تخنیکي پوهنتون کې جوړه شوې وه، د لوړو زده کړو وزیر سربیره، د چارو ادارې لوی رئیس، د امر با المعروف او نهي عن المنکر وزارت. . .

یکشنبه ۱۴۰۴/۶/۹ - ۵:۴۸
Background image

د فراه پوهنتون احاطوي ديوال جوړولو د دویم فاز چارې پیل شوې


د فراه پوهنتون احاطوي دیوال د جوړولو چارې چې څه موده وړاندې پیل شوې وې، د ۳۸۳۸ متره لومړي فاز کارونه یې بشپړ او اوس یې د دویم فاز چارې پیل شوې. د دې احاطوي دیوال په دویم فاز ۱۵ میلیونه. . .

جمعه ۱۴۰۴/۶/۷ - ۱۶:۵۵
Background image

د لوړو زده کړو وزیر د سُهېل لوېدیځ زون امارتي او خصوصي پوهنتونونو محصلانو دیني ـ علمي سمینار اختتامیه مراسمو کې ګډون او وینا وکړه

 

په کندهار پوهنتون کې په همدې مناسبت جوړو شویو مراسمو کې د لوړو زده کړو وزارت د دعوت او ارشاد رئیس، د کندهار ولایت جهادي مدرسې رئیس، د ولایتي ادارې یو شمېر رئیسانو، علماء کرامو، د. . .

BACK TO NEWS