کابل ښوونې او روزنې پوهنتون او زابل د لوړو زده مؤسسې تر منځ د دوه اړخیزو همکاریو هوکړه لیک، لاسلیک شو.
د کابل ښوونې او روزنې پوهنتون او زابل د لوړو زده کړو مؤسسې تر منځ په علمي او څیړنیزه برخه کې د دوه اړخیزو همکاریو هوکړه لیک د یادو تحصیلي بنسټونو د مسئولانو له خوا ترمنځ لاسلیک شو.
د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا"هاشمي" د یاد هوکړه لیک د لاسلیک له امله خوښي څرګنده کړه او د زابل د لوړو زده کړو مؤسسې رئیس ښاغلي الحاج روح الله "مشال" ته یې د هوکړه لیک د پلي کولو په برخه کې ډاډ ورکړ.
دغه هوکړه لیک چې په پینځو مادو کې ترتیب شوی دی، له مخې به یې د کابل ښوونې او روزنې پوهنتون او د زابل لوړو زده کړو مؤسسې ترمنځ د (استادانو تحقیق برخه کې مرسته، د سفر په حال د ځای او ترانسپورت زمینې برابرول، محصلینو لپاره علمي سیر، کادري غړو ترفېعاتو لپاره د لارښود استاد ټاکل، ځیني مضامینو لپاره د مرستندویه استادانو ټاکل، لابراتوارنو څخه ګټه اخیستنه، په علمي ژورنال کې د مقالو نشرول، کتابتونونو څخه ګټه اخیستنه، د ورکشاپونو او سیمینارونو دایرول، علمي مجلو اېجادول، د تدریس کیفیت او تحصیلي وضعیت څېړل.... ) په برخو کې همکاري ترسره شي.
