د لوړو زده کړو وزیر محترم شیخ الحدیث مولوي نداء محمد ندیم د ختیځ زون امارتي او خصوصي پوهنتونونو محصلانو ته په جوړ شوي دیني ـ اصلاحي سمینار کې هر اړخيزه اصلاحي وینا وکړه.
محترم شيخ صاحب محصلانو ته د نورو توصيو تر څنګ سپارښتنه وکړه، چې دیني او عصري زده کړې دې د الله تعالی د رضا، اسلام او ټولنې د خدمت لپاره وکړي.
هغه په خپلو خبرو کې ټینګار وکړ، چې د ا.ا.ا د لوړو زده کړو وزارت د متعهدو او متخصصو ځوانانو د روزنې لپاره دوامداره هڅې کوي.
په ياد سيمنار کې د لوړو زده کړو وزیر او ورسره مل پلاوي ترڅنګ، د ننګرهار مرستیال والي او د پوهنتون رهبري هم ګډون کړی و. دغه شپږ ورځنی سيمینار د ننګرهار پوهنتون په کوربتوب د لغمان، ننګرهار او د ننګرهار خصوصي پوهنتونونو محصلینو لپاره جوړ شوی و.
