د لوړو زده کړو وزارت مالي او اداري معین په مشرۍ د تېر حکومت د طلباتو، تضمیناتو او مقروضاتو د تثبیت او سنجش په موخه دوهمه ناسته ترسره شوه.
د غونډې په پیل کې د لوړو زده کړو وزارت مالي او اداري معین مولوي حافظ محمد حامد حسیب د اړونده موضوع په اړه خبرې وکړې او ویې ویل، چې د دې غونډې دائرولو موخه د تېر حکومت د پاتې پروژو د حقوقي او حکمي اشخاصو کوم معاشونه، لګښتونه، تأمینونه او تضمینونه چې د تادیې وړ و د همدغو طلباتو دقیق تثبیت او سنجش وشي.
نوموړي د مرکزي او ولایتي تحصیلي بنسټونو لپاره مؤظفو کمیټو ته دنده وسپارله چې د باقیاتو د اجرا په موخه دې په ټولو تحصیلي بنسټونو کې د تېر حکومت پر مهال پاتې معاشونه، لګښتونه، طلبات، تضمینونه او تأمینونه وارزول شي.
همداراز کميټو د ترسره شویو کارونو جریان شریک کړ.
