د لوړو زده کړو وزارت مالي او اداري معینیت شورا ناسته وکړه
په یاده ناسته کې د لوړو زده کړو وزارت مالي او اداري معین مولوي حافظ محمد حامد حسیب اړوندو رئیسانو ته وویل، چې په راتلونکو پلانونو کې خلکو ته د زیاتو خدمتونو وړاندې کولو زمینه برابره کړي او د خپلو دفترونو دروازې د خلکو پر مخ خلاصې وساتي.
دغه راز نوموړي د شورا له ټولو غړو وغوښتل، چې د تېر کال د کړنو راپور او راتلونکو پلانونو په اړه معلومات راتلونکې شورا ته وړاندې کړي.
ورپسې د تېرې شورا پرېکړو ته لنډه کتنه وشوه او د دغې ناستې له اجنډا سره سم د کابل طبي علومو پوهنتون محصلینو لپاره د لیلیې اضافه ظرفیت، د معتمدینو څخه د نقدي تضمین پر اخیستلو، د کمیونیټي کالج استادانو د حق الزحمې او یو شمېر نورو متفرقه موضوعاتو په اړه د شورا د غړو ترمنځ بحث او لازمې پرېکړې وشوې.