د لوړو زده کړو سرپرست وزیر په لغمان پوهنتون کې د شاوخوا ۲۰ میلیونه افغانیو په لګښت څلور پروژې ګټې اخیستنې ته وسپارې
د لوړو زده کړو سرپرست وزیر محترم شیخ الحدیث مولوي نداء محمد ندیم تېره ورځ لغمان ولایت ته د رسمي سفر پر مهال په لغمان پوهنتون کې د رغونې او بیارغونې څلور بېلا بېلې پروژې افتتاح او ګټې اخیستنې ته وسپارې.
په یادو پروژو کې د لغمان پوهنتون د احاطوي دېوال سنګ کاري، د دېوالونو رنګمالي، د ادبیاتو پوهنځي ترمیم او رنګول او له کانټینرونو د تعمیر جوړول شامل دي.
د دغو پروژو بودیجه د لوړو زده کړو وزارت له لوري ورکړل شوې، چې د لغمان پوهنتون محصلینو لپاره د منظم چاپېریال برابرولو سربېره به د دغه تحصیلي نهاد زیاتې ستونزې ورسره حل شي.
