د هرات پوهنتون کدري روغتون د ۲۸ میلیونه افغانیو په ارزښت د لوړو زده کړو وزارت د مالي او اداري معین په حضور کې د بیارغونې او تجهیز نه وروسته پرانیستل شو.

nasir_admin
یکشنبه ۱۴۰۳/۷/۱ - ۱:۲۰
Hdbbdhbx2000

هغه مراسمو کې چې په همدې موخه د هرات والي، د هرات پوهنتون د مشرتابه پلاوي، د امارتي د ادارو رئیسانو، د تحصیلي بنسټونو رئیسانو او سیمه ییزو مخورو په ګډون جوړ شوي وو، د لوړو زده کړو وزارت مالي او اداري معین مولوي حافظ محمد حامد حسیب د هرات پوهنتون کادري روغتون پرانیستې له امله د یاد پوهنتون طب پوهنځي محصلینو او د هرات خلکو ته مبارکي وویله.

هغه زیاته کړه: " لوړو زده کړو وزارت ټول پام د تحصیلي زیربناوو په پراختیا، د استادانو د ظرفیت لوړولو، د محصلینو لپاره د مناسب چاپیرال په برابرولو او په پوهنتونونو کې د تحقیق او نوښت د کچې لوړولو باندې متمرکز دی."

د لوړو زده کړو وزارت مالي او اداري معين د خپلو خبرو په دوام د ياد روغتون د امکاناتو پر ساتنې او سالمې ګټې اخيستنې د ټينګار تر څنګ د دغه روغتون په جوړولو کې د عامې روغتيا وزارت له همکارۍ او ملاتړ څخه هم مننه وکړه. 

ورپسې د هرات والي شیخ الحدیث مولانا نوراحمد اسلام جار د ا.ا.ا او د لوړو زده کړو وزارت له پاملرنې څخه مننه وکړه او د هرات پوهنتون د کدري روغتون پرانیستل یې یوه ستره لاسته راوړنه وبلله او محصلین یې وهڅول چې له دغو اسانتیاوو څخه ښه ګټه واخلي.

د يادونې وړ ده، چې د هرات پوهنتون طب پوهنځي له دې وړاندې کدري روغتون نه درلود، خو له نېکه مرغه په افغانستان کې د ا.ا له ټینګښت نه وروسته ياد روغتون پرانیستل شو او د هرات پوهنتون په واک کې ورکړل شو.

د شنبې ورځ:

۱۸ ربیع الاول ۱۴۴۶ هجري

۳۱ سنبله ۱۴۰۳ هـ

د ۲۰۲۴ کال د سپتمبر ۲۱ مه

تازه خبرونه

یکشنبه ۱۴۰۴/۶/۹ - ۱۳:۵۱
Background image

د لوړو زده کړو وزیر د غزني تخنیکي پوهنتون اتمې دورې فراغتغونډه کې محصلین د افغانستان ابادۍ کې ونډې اخیستلو ته وهڅول

 

په هغه غونډه کې، چې د یادو محصلینو د فراغت په موخه په غزني تخنیکي پوهنتون کې جوړه شوې وه، د لوړو زده کړو وزیر سربیره، د چارو ادارې لوی رئیس، د امر با المعروف او نهي عن المنکر وزارت. . .

یکشنبه ۱۴۰۴/۶/۹ - ۵:۴۸
Background image

د فراه پوهنتون احاطوي ديوال جوړولو د دویم فاز چارې پیل شوې


د فراه پوهنتون احاطوي دیوال د جوړولو چارې چې څه موده وړاندې پیل شوې وې، د ۳۸۳۸ متره لومړي فاز کارونه یې بشپړ او اوس یې د دویم فاز چارې پیل شوې. د دې احاطوي دیوال په دویم فاز ۱۵ میلیونه. . .

جمعه ۱۴۰۴/۶/۷ - ۱۶:۵۵
Background image

د لوړو زده کړو وزیر د سُهېل لوېدیځ زون امارتي او خصوصي پوهنتونونو محصلانو دیني ـ علمي سمینار اختتامیه مراسمو کې ګډون او وینا وکړه

 

په کندهار پوهنتون کې په همدې مناسبت جوړو شویو مراسمو کې د لوړو زده کړو وزارت د دعوت او ارشاد رئیس، د کندهار ولایت جهادي مدرسې رئیس، د ولایتي ادارې یو شمېر رئیسانو، علماء کرامو، د. . .

BACK TO NEWS