د لوړو زده کړو سرپرست وزیر محترم شیخ الحدیث مولوي نداء محمد ندیم په خپل کاري دفتر کې د جاپان له سفیر تاکویوشي کورومایا سره وکتل

naser_admin
یکشنبه ۱۴۰۴/۴/۲۲ - ۱۲:۲۹
Essrfhjlln

 

په دې لیدنه کې د لوړو زده کړو سرپرست وزیر په مختلفو برخو، په ځانګړي ډول د مخدره توکو روږدو کسانو درملنې او مهاجرینو ستونزو ته رسېدنه کې د جاپان هېواد له مرستو او همکاریو مننه وکړه او د اسلامي امارت پر وړاندې یې د نړیوالې ټولنې پر دوه ګونو سیاستونو خبرې وکړې. 

 

محترم شیخ صاحب وویل چې نړیواله ټولنه له یوه اړخه له افغانستان سره د همکارۍ او ملاتړ شعارونه ورکوي او له بله اړخه د اسلامي امارت رهبران په محاکمه کولو ګواښي. 

 

د لوړو زده کړو سرپرست وزیر د نړیوالې ټولنې له مرستو د مننې تر څنګ، وویل چې دین، اسلامي شریعت او د خلکو غوښتنې یې د نظام لومړیتوبونه دي. 

 

نوموړي په هېواد کې د لوړو زده کړو وروستۍ پراختیا ته په اشارې سره وویل چې لوړو زده کړو وزارت د باکیفیته دیني او عصري زده کړو او معیاري څېړنو ته، چې له دیني او ملي ارزښتونو سره سمې او د ټولنې اړتیاوو ته ځواب ووایي، ژمن دی. 

 

وروسته د جاپان سفیر په افغانستان کې د خپل هېواد مرستو او همکاریو ته په اشارې سره د یادو مرستو د دوام ژمنه وکړه او په مختلفو برخو کې یې د اسلامي امارت له پرمختګونو خوښي څرګنده کړه. 

 

دغه راز د جاپان سفیر د خپلو خبرو په دوام کې له پاکستان او ایران هېوادونو څخه د راستانه شویو مهاجرینو مدیریت هم وستایه. 

۱۴۴۷هـ.ق د محرم الحرام ۱۷مه

۱۴۰۴هـ.ش د سرطان ۲۲مه

۲۰۲۵م د جولای ۱۳مه

تازه خبرونه

جمعه ۱۴۰۴/۶/۷ - ۱۶:۵۵
Background image

د لوړو زده کړو وزیر د سُهېل لوېدیځ زون امارتي او خصوصي پوهنتونونو محصلانو دیني ـ علمي سمینار اختتامیه مراسمو کې ګډون او وینا وکړه

 

په کندهار پوهنتون کې په همدې مناسبت جوړو شویو مراسمو کې د لوړو زده کړو وزارت د دعوت او ارشاد رئیس، د کندهار ولایت جهادي مدرسې رئیس، د ولایتي ادارې یو شمېر رئیسانو، علماء کرامو، د. . .

چهارشنبه ۱۴۰۴/۶/۵ - ۸:۵۵
Background image

د لوړو زده کړو وزیر محترم شیخ الحدیث مولوي نداء محمد ندیم د ختیځ زون امارتي او خصوصي پوهنتونونو محصلانو ته په جوړ شوي دیني ـ اصلاحي سمینار کې هر اړخيزه اصلاحي وینا وکړه.

محترم شيخ صاحب محصلانو ته د‌ نورو توصيو تر څنګ سپارښتنه وکړه، چې دیني او عصري زده کړې دې د الله تعالی د رضا، اسلام او ټولنې د خدمت لپاره وکړي.
 
هغه په خپلو خبرو کې ټینګار وکړ، چې د ا.ا. . .

دوشنبه ۱۴۰۴/۶/۳ - ۵:۳۳
Background image

د لوړو زده کړو وزیر په عبدالله بن مبارک رحمه الله (پکتیا) دیني جامعه کې جوړې شوې غونډې ته د وینا تر څنګ، په دغه جامعه کې د ۱۹ میلیونه او ۳۲۵ زره افغانیو په ارزښت دوې مهمې پروژې ګټې اخیستنې ته وسپارلې

 

د لوړو زده کړو وزیر محترم شیخ الحدیث مولوي نداء محمد ندیم پکتیا ولایت ته د خپل رسمي سفر پر مهال په عبدالله بن مبارک رحمه الله (پکتیا) دیني جامعه کې جوړې شوې غونډې ته د وینا پر مهال. . .

BACK TO NEWS