د لوړو زده کړو وزارت د محصلانو د خدمتونو او همغږۍ ریاست د مرکزي پوهنتونونو شاوخواه ۵ زره محصلینو څخه د «تعلیم الاِسلام» د کتاب لوستنې سیالۍ ازموینه واخیسته.
د لوړو زده کړو وزارت د محصلانو د خدمتونو او همغږۍ ریاست له لوري د کابل، کابل طبي، کابل پولي تخنیک او کابل ښوونې او رزونې پوهنتونونو له شاوخواه ۵ زره محصلینو څخه د «تعلیم الاِسلام» د کتاب لوستنې سیالۍ ازموینه واخیستل شوه.
د یادې ازموینې موخه د محصلینو دیني معلوماتو زیاتول، په محصلینو کې د مطالعې فرهنګ رایجول او د محصلینو ترمنځ د سالم علمي رقابت رامنځ ته کول دي.
د لوړو زده کړو وزارت د محصلانو د خدمتونو او همغږۍ ریاست مسؤلینو په وینا، د دغې ازموینې اول نومره ته د عمرې حج، له دویم تر لسم نومره یو یو لپټاپ کمپوټر او له یوولسم تر پنځوسم نومره ته بېلا بېلې ډالۍ په پام کې نیول شوي، چې د پایلو له اعلان وروسته به ورکړل شي.
یاد ریاست تر دې مخکې د ننګرهار او لغمان پوهنتونونو له محصلینو د تعلیم الاِسلام د کتاب لوستنې رقابتي ازموینې اخیستې وې او د هېواد په نورو تحصیلي بنسټونو کې هم د ورته ازموینو او سیالیو پلان لري.
نېټه: شنبه
۱۴۴۶هـ.ق، د ربیع الثاني ۹ مه
۱۴۰۳هـ.ش، د میزان ۲۱مه
۲۰۲۴م، د اکتوبر ۱۲مه
