د لوړو زده کړو وزارت تر چتر لاندې د دیني جامعاتو او تخصصاتو لوی ریاست ودانۍ پرانېسته وشوه.

Akmal_admin
چهارشنبه ۱۴۰۱/۲/۲۸ - ۱۴:۲۱
T

د لوړو زده کړو وزارت تر چتر لاندې د دیني جامعاتو او تخصصاتو لوی ریاست ودانۍ پرانېسته وشوه.

په همدې موخه جوړه شوې  غونډه کې چې د قرانکریم په مبارکو ایاتونو سره پیل شوه، د لوړو زده کړو سرپرست وزیر الحاج مولوي عبدالباقي حقاني، د کانونو او پطرولیم سرپرست وزیر شیخ شهاب الدین دلاور، د امر بالمعروف او نهي عن المنکر سرپرست وزیر شیخ خالد حنفي، د پوهنې وزارت سرپرست وزیر شیخ نورالله منیر، د علومو اکاډمۍ رئیس شیخ فرید، يو شمیر علماء کرامو، د اداراتو رئیسانو، مسؤلینو او د یاد ریاست کارکوونکو ګډون کړی وو.

T

په یاده غونډه کې د لوړو زده کړو سرپرست وزیر الحاج مولوي عبدالباقي حقاني ټولو راغلو مېلمنو ته د ښه راغلاست ویلو ترڅنګ وویل،" د ا.ا.ا له فتحې وروسته موږ په دې هڅه کې وو، چې د علماء کرامو د اسنادو ارزیابي او د تخصصاتو په برخه کې فعالیت ترسره کړو، چې په همدې موخه نن ورځ د یاد ریاست ودانۍ پرانېسته او د پنځو تخصصاتو ( تفسیر، حدیث، دعوت، فقه او قضا او د اسلامي اقتصاد او بانکداري.) له کاندید استاذانو ازموینه واخېستل شوه."

دغه راز سرپرست وزیر زیاته کړه، چې په نږدې راتلونکې کې به د دیني جامعاتو او تخصصاتو ریاست چارو پیلېدو خبرتیا هم له درنو هېوادولو سره شرېکه شي.

په غونډه کې د کانونو او پطرولیم سرپرست وزیر شیخ شهاب الدین دلاور د دیني جامعاتو او تخصصاتو ریاست ودانۍ پر پرانېسته خوښي څرګنده کړه او ویې ویل، " د هېواد ابادي او پرمختګ په تعلیم او تحصیل پورې تړلې ده او نن سبا تر هر څه وړاندې تعلیمي او تحصیلي ډګرونه غښتلي کول په کار دي.

نوموړي زیاته کړه، په قرانکریم کې د اقراء(ولوله) لفظ راغلی او دا د ټولو مسلمانانو لپاره ده؛ نو باید نر او ښځې عصري او دیني زده کړې وکړي، ترڅو ژر د سیالو هېوادونو په کتار کې شامل شوو."

دغه غونډه د خیر په دعاء او یاد ریاست کې د ا.ا.ا بیرغ او لوړو زده کړو بیرغ په پورته کولو سره پای ته ورسېده.

تازه خبرونه

چهارشنبه ۱۴۰۱/۵/۲۶ - ۱۱:۲۰
Background image

د لوړو زده کړو وزارت مالي او اداري معین په مشرۍ «د تېر کال نیمګړتیاوو په نښه کولو او اصلاح» په نامه کمېټې ناسته ترسره شوه.

۱۴۴۴/۱/۱۹
۱۴۰۱/۵/۲۶

یاده کمېټه د لوړو زده کړو سرپرست وزیر الحاج مولوي عبدالباقي حقاني په لارښوونه جوړه شوې وه چې د مرکزي پوهنتونونو مسؤلان او د لوړو زده کړو وزارت د دعوت او ارشاد ریئس. . .

چهارشنبه ۱۴۰۱/۵/۲۶ - ۶:۲۶
Background image

د لوړو زده کړو وزارت خصوصي محصلانو چارو رئیس په مشرۍ د دغه وزارت پلاوي د کندوز خصوصي تحصیلي بنسټونو څخه لیدنه او څارنه وکړه.

۱۴۴۴/۱/۱۹
۱۴۰۱/۵/۲۶

د لوړو زده کړو وزارت خصوصي محصلانو چارو رئیس انجنیر سید اسماعیل روحاني، په داسې حال کې چې د علمي پروګرامونو د پراختیا رئيس انجنیر روح الله روحاني او مالي او حسابي. . .

چهارشنبه ۱۴۰۱/۵/۲۶ - ۶:۷
Background image

د کابل او پروان پوهنتونونو د معلوماتي سیستمونو د څانګو د خالي بستونو لپاره تخصصي ازموینه نن په کابل پوهنتون کې واخیستل شوه.

د لوړو زده کړو وزارت د تقرر او ترفیعاتو ریاست د تقرر او انفکاک امر حمیدالله عابد په وینا، په دې ازموینه کې شپږ تنو ګډون کړی وو، چې له دوی څخه د با تجربه استادانو له لوري په شفاف ډول. . .

BACK TO NEWS