د لوړو زده کړو وزارت تر چتر لاندې د دیني جامعاتو او تخصصاتو لوی ریاست ودانۍ پرانېسته وشوه.

Akmal_admin
Wed, May 18 2022 2:21 PM
T

د لوړو زده کړو وزارت تر چتر لاندې د دیني جامعاتو او تخصصاتو لوی ریاست ودانۍ پرانېسته وشوه.

په همدې موخه جوړه شوې  غونډه کې چې د قرانکریم په مبارکو ایاتونو سره پیل شوه، د لوړو زده کړو سرپرست وزیر الحاج مولوي عبدالباقي حقاني، د کانونو او پطرولیم سرپرست وزیر شیخ شهاب الدین دلاور، د امر بالمعروف او نهي عن المنکر سرپرست وزیر شیخ خالد حنفي، د پوهنې وزارت سرپرست وزیر شیخ نورالله منیر، د علومو اکاډمۍ رئیس شیخ فرید، يو شمیر علماء کرامو، د اداراتو رئیسانو، مسؤلینو او د یاد ریاست کارکوونکو ګډون کړی وو.

T

په یاده غونډه کې د لوړو زده کړو سرپرست وزیر الحاج مولوي عبدالباقي حقاني ټولو راغلو مېلمنو ته د ښه راغلاست ویلو ترڅنګ وویل،" د ا.ا.ا له فتحې وروسته موږ په دې هڅه کې وو، چې د علماء کرامو د اسنادو ارزیابي او د تخصصاتو په برخه کې فعالیت ترسره کړو، چې په همدې موخه نن ورځ د یاد ریاست ودانۍ پرانېسته او د پنځو تخصصاتو ( تفسیر، حدیث، دعوت، فقه او قضا او د اسلامي اقتصاد او بانکداري.) له کاندید استاذانو ازموینه واخېستل شوه."

دغه راز سرپرست وزیر زیاته کړه، چې په نږدې راتلونکې کې به د دیني جامعاتو او تخصصاتو ریاست چارو پیلېدو خبرتیا هم له درنو هېوادولو سره شرېکه شي.

په غونډه کې د کانونو او پطرولیم سرپرست وزیر شیخ شهاب الدین دلاور د دیني جامعاتو او تخصصاتو ریاست ودانۍ پر پرانېسته خوښي څرګنده کړه او ویې ویل، " د هېواد ابادي او پرمختګ په تعلیم او تحصیل پورې تړلې ده او نن سبا تر هر څه وړاندې تعلیمي او تحصیلي ډګرونه غښتلي کول په کار دي.

نوموړي زیاته کړه، په قرانکریم کې د اقراء(ولوله) لفظ راغلی او دا د ټولو مسلمانانو لپاره ده؛ نو باید نر او ښځې عصري او دیني زده کړې وکړي، ترڅو ژر د سیالو هېوادونو په کتار کې شامل شوو."

دغه غونډه د خیر په دعاء او یاد ریاست کې د ا.ا.ا بیرغ او لوړو زده کړو بیرغ په پورته کولو سره پای ته ورسېده.

Latest news

Sun, Aug 07 2022 11:27 AM
Background image

The president of Geneva Call Organization for Asian countries has met with the Acting Minister of Higher Education.


The meeting was arranged at the Ministry of Higher Education’s saloon in the presence of the Acting Minister of Higher Education, Alhaj Mawlawi Abdul Baqi “Haqani”, Academic Deputy,. . .

Sat, Jul 30 2022 12:43 PM
Background image

Acting Minister of Higher Education met with the Ambassador of Japan

The meeting was chaired by the Acting Minister of Higher Education, Alhaj Maulavi Abdul Baqi “Haqani” in the presence of the president of Kabul University, Dr. Osama “Aziz’, Director of. . .

BACK TO NEWS