د بشري ودې او پیاوړتیا سلاکار او نړیوال ټرینر دوکتور حیات الله عتید له لوري د دیني جامعاتو او تخصصاتو لوی ریاست د تخصصاتو استادانو ته، د تحصيلي نصاب د تدريس ميتود او ددې نصاب د تطبيق اړوند انلاین سمینار ورکړل شو.
۱۴۴۳/۱۱/۳۰
۱۴۰۱/۴/۸
د بشري ودې او پیاوړتیا سلاکار او نړیوال ټرینر دوکتور حیات الله عتید له لوري د دیني جامعاتو او تخصصاتو لوی ریاست د تخصصاتو استادانو ته، د تحصيلي نصاب د تدريس ميتود او ددې نصاب د تطبيق اړوند انلاین سمینار ورکړل شو.
په همدې موخه جوړ شوي سمینار کې د لوړو زده کړو وزارت د تحصيلي نصاب رئيس مفتي عبد الرؤف فراهي ، د دیني جامعاتو او تخصصاتو لوی ریاست د تخصصاتو رئیس شیخ عبدالمالک نیازي او د تخصصاتو استادانو په حضوري ډول او د بشري ودې او پیاوړتیا سلاکار او نړیوال ټرینر دوکتور حیات الله عتید په انلاین بڼه ګډون کړی وو.
په دې سمینار کې دوکتور حیات الله عتید د دیني جامعاتو او تخصصاتو استادانو ته د (فعال استاد) تر عنوان لاندې، د تحصيلي نصاب د تدريس ميتود، د نصاب تطبيق، د استاد ځانګړتیاوو، محصل پېژندنې، د پیغام انتقال او ښې مکالمې اړوند تیار کړی لېکچر او معلومات وړاندې کړل او د ګډونوالو پوښتنو ته یې ځوابونه ورکړل.
نوموړي دغه راز د تخصصاتو استادان له محصلینو سره ښې رویې کولو، قوي اخلاق لرلو او محصلین په دیني او ملي فکرونو روزولو ته وهڅول.
همدارنګه د دیني جامعاتو او تخصصاتو لوی ریاست د تخصصاتو رئیس شیخ عبدالمالک نیازي له نوموړي څخه د مننې ترڅنګ دا سمینار د تخصصاتو استادانو لپاره ګټور وباله او له دوکتور حیات الله عتید څخه یې د لا ډېرې همکارۍ غوښتنه وکړه، چې د نوموړي له لوري د همکارۍ ډاډ ورکړل شو.
د یادونې ده، چې د دیني جامعاتو او تخصصاتو لوی ریاست د تخصصاتو استادانو د ظرفیت لوړونې په موخه، د ا.ا.ا لوړو زده کړو وزارت د غونډو په تالار کې دا سمینار په لاره اچولی ، چې نن یې دویمه ورځ وه.
