د لوړو زده کړو په سکتور کې د پانګونې د فرصتونو د تشخيص د بهير د چټکتيا له پاره غونډه وشوه
د هېواد تحصيلي بنسټونو طرحو شريکولو او د لوړو زده کړو وزارت په سکټور کې د پانګونې د فرصتونو تشخيص د بهير چټکتيا له پاره غونډه وشوه.
یاده غونډه کې چې د لوړو زده کړو په وزارت کې د ویډیو کنفرانس له لارې ترسره شوه؛ د لوړو زده کړو وزارت د پلان، پالیسۍ او تقنین رییس پوهنيار مبارز، له هغو بنسټونو څخه چې د دې وزارت په پوښتنپاڼه کې يې ځواب ورکړی مننه وکړه او د هېواد له ټولو تحصيلي بنسټونو يې وغوښتل چې ژر تر ژره په دې اړه خپلې طرحې او غوښتنې له لوړو زده کړو وزارت سره شريکې کړي څو تر هغه وروسته د ولسمشرۍ ماڼۍ د پانګونې د اسانتیا له ادارې سره شريکې شي.
د پوهنيار مبارز په وينا؛ د دې بهیر چې د ولسمشرۍ ماڼۍ د چارو ادارې له لوري پر مخ وړل کېږي د ترسره کولو موخه، د کاري فرصتونو رامنځ ته کول، د دولت د عوايدو لوړول او د سوداګرۍ د پراختيا تر څنګ، په خصوصي سکټور کې د پانګونې د فرصتونو جوړول او د دوی د ستونزو اوارول دي.
