د لوړو زده کړو وزارت ۶۴ تنه نويو ګمارل شویو اداري کار کوونکو ته څلورمه دوره ښوونېر ورکشاپ پای ته ورسېده.
دغه پنځلس ورځنی ورکشاپ د لوړو زده کړو وزارت نویو ګمارل شویو اداري کارکوونکو ته د اداري مهارتونو، اداري سندونو، د لوړو زده کړو وزارت تشکيلاتي جوړښت، د دغه وزارت اوسني اداري سېستم پېژندنې او د لوړو زده کړو وزارت اصولو او مقرراتو پوهاوي په موخه د لوړو زده کړو وزارت بشري سرچینو ریاست د ښوونې او ظرفیت لوړونې آمریت له لورې دایر شوی و پای ته ورسېده.
د بشري سرچینو ریاست د ښوونې او ظرفیت لوړونې آمر عبید الله مولایي د ورکشاپ پر اهمیت خبرې وکړې او له ګډونوالو یې وغوښتل، چې په ورکشاپ کې زده کړي موضوعات په ورځنیو اداري چارو کې عملي کړي.
د یادونې وړ ده، چې یاد ورکشاپ په څو پړاونو کې د لوړو زده کړو وزارت اداري کارکوونکو ته ترسره شوی دی او پر دوام به یې دوه نورې دورې هم ترسره شي.
