د لوړو زده کړو وزارت د پلان، پاليسۍ او تقنين رياست پلاوي نیمروز ولایت ته د خپل کاري سفر پر مهال د یاد ولایت تحصیلي مؤسسې پلان کمېټې غړو سره د ستراتيژيک پلان، کلني راپور او احصائيوي فورمونو د ترتيب او اصلاح په اړه ناسته ترسره کړه.
ياده ناسته کې د پلان، پاليسۍ او تقنين رئيس مفتي رضوان اللّٰه منيب د ستراتيژيک پلان د موخو او د پلان څخه د راپور ترتيبولو او نوي احصائيوي فورمونو په اړه معلومات ورکړل.
وروسته د پلان، پالیسۍ او تقنین ریاست د پلان ، راپور او احصائې کارپوهانو د ستراتيژيک پلان او راپور د تدوين په اړه خپل تخنيکي نظرونه وړاندې کړل.
