د لوړو زده کړو وزارت خصوصي محصلانو چارو رئیس په مشرۍ د دغه وزارت پلاوي سرپل ولایت ته د خپل کاري سفر په ترڅ کې له سرپل لوړو زده کړو مؤسسې څخه لیدنه وکړه.
۱۴۴۴/۱/۲۴
۱۴۰۱/۵/۳۱
د لوړو زده کړو وزارت خصوصي محصلانو چارو رئیس انجنیر سید اسماعیل روحاني په مشرۍ، په داسې حال کې چې د لوړو زده کړو وزارت د علمي پروګرامونو د پراختیا رئیس انجنیر روح الله روحاني، د مالي او اداري چارو رئیس عبدالباري خپلواک یې هم ملتیا کوله، د سرپل لوړو زده کړو مؤسسه کې د ۱۴۰۱کال کانکور له لارې د جذب ظرفیت امکانات له نیږدې وکتل او د یاد تحصیلي بنسټ د متخلفو علمي او اداري چارو څارنه او ارزونه یې وکړه.
د لوړو زده کړو وزارت پلاوي د یاد تحصیلي بنسټ له مشرتابه، استادانو او اداري کارکوونکو سره په یوه ناسته کې د سرپل لوړو زده کړو مؤسسې د پرمختګ، د اسلامي او افغاني ارزوښتونو مراعاتولو او د لوړو زده کړو وزارت پالیسیو د عملي کولو په برخه کې لازمې سپارښتنې وکړې.
