د البیروني پوهنتون د استاد پوهاند دوکتور محمد نعیم "شریف" د مړینې په مناسبت د لوړو زده کړو وزارت د تسلیت او همدردۍ پیغام

3/12/1443
11/4/1401
د البیروني پوهنتون د استاد پوهاند دوکتور محمد نعیم "شریف" د مړینې په مناسبت د لوړو زده کړو وزارت د تسلیت او همدردۍ پیغام!

په ډېرې خواشینۍ سره مو خبر تر لاسه کړ، چې د کاپیسا ولایت د البیروني پوهنتون یو تن پخوانی استاد او پخوانی علمي مرستیال پوهاند دوکتور محمد نعیم "شریف" وفات شوی دی.
إِنَّا لِلَّهِ وَإِنَّا إِلَیْهِ رَاجِعُونَ
ارواښاد پوهاند دوکتور محمد نعیم "شریف" د هېواد علمي ټولنې ته د خدمت او د ځوان نسل د تحصیل په لاره کې نه ستړې کیدونکې هلې ځلې او هڅې کړي دي.
له نوموړي څخه ۲۰ ګټور اثار پاتې دي، چې درې عنوانونه یې د هېواد د پوهنتونونو په کچه د درسي کتابونو په توګه تدریسېږي.
دغه راز د نوموړي نور څېړنيز اثار هم په هېواد کې دننه او بهر چاپ شوي دي.
د لوړو زده کړو وزارت د رهبرۍ هیئت، د هېواد د تحصیلي بنسټونو استادان او محصلین د نوموړي مړینه د هېواد د علمي ټولنې لپاره یوه ستره ضایع بولي، د مرحوم کورنۍ، دوستانو او خپلوانو ته د تسلیت مراتب وړاندې کوي او د لوی خدای ج له درباره مرحوم ته د جنت فردوس او کورنۍ ته یې د جمیل صبر غوښتنه کوي.

په احترام
الحاج مولوي عبدالباقي حقاني
د لوړو زده کړو وزارت سرپرست وزیر