د هېواد په مرکز او ولایتونو کې د لوړو زده کړو بنسټونو د حقوقي کلینیکونو د مسوولینو د ظرفیت لوړولو په موخه په کابل پوهنتون کې د محصلانو د خدمتونو د همغږۍ ریاست له خوا درې ورځنی سمینار جوړ شو.

nasir_admin
سه‌شنبه ۱۴۰۲/۱۱/۳ - ۴:۳۵
514000489


د یاد سمینار د پرانیستې په مراسمو کې د لوړو زده کړو وزارت د محصلانو د خدمتونو د همغږۍ رئیس استاد کلیم الله محمدي د سمینار ګډونوالو ته د ښه راغلاست ویلو تر څنګ د هېواد په تحصیلي بنسټونو کې د حقوقي کلینیکونو پر اهمیت او ارزښت خبرې وکړې.
هغه وويل، حقوقي کلينيکونه د شرعياتو او حقوقو پوهنځيو د محصلينو د عملي پوهې د کچې د لوړولو لپاره ډېر ګټور دي.
نوموړي همدارنګه د تحصیلي بنسټونو د حقوقي کلینیکونو له مسوولینو وغوښتل، چې محصلینو ته د خدمتونو په وړاندې کولو کې لا زیاتې هڅې وکړي، محصلین په اسلامي او افغاني افکارو او اخلاقو وروزي او ټولنې ته یې وړاندې کړي.
ورپسې د لوړو زده کړو وزارت د دولتي محصلانو چارو رئیس استاد حامد یعقوبي د یاد سمینار پر جوړېدو خوښي څرګنده کړه او د هېواد د تحصیلي بنسټونو محصلینو ته یې د عملي کار د زمینې برابرول مهم وبلل.
هغه وويل: «له هغه وخته چې محصلينو ته د مشورې ورکولو او عملي کار په موخه حقوقي کلينيکونه جوړ شوي، د عملي کار په څانګه کې محصلينو ته د خدمتونو وړاندې کول يوه مهم او اساسي کار دی.»
ورپسې د حقوقي ستاژ مرکز مشر استاد نذیر احمد نثار په حقوقي کلینکونو کې د شاملو موضوعاتو او نصاب په اړه خبرې وکړې او ویې ویل، کورنۍ قضیې، متخلف ماشومان او د جزا څانګې هغه برخې دي چې په حقوقي کلینیکونو کې ورباندې بحث کیږي.
نېټه: دوشنبه
۱۰/۷/۱۴۴۵ هـ ق ۲/۱۱/۱۴۰۲ هـ ش ۲۲/۱/۲۰۲۴ م

Latest announcements

یکشنبه ۱۴۰۴/۳/۲۵ - ۴:۵۵
Background image
چهارشنبه ۱۴۰۴/۳/۷ - ۵:۶
Background image

خبرتیا!

د دیني جامعاتو او تخصصاتو عمومي ریاست په پام کې لري، چې د کابل زون د لاندې کټګوریو هغو علماء کرامو ته اسناد توزیع کړي، چې نومونه یې د ذکر شویو لینکونو په لیستونو کې شامل وي.
کابل زون . . .

Back to announcements

تازه خبرونه

چهارشنبه ۱۴۰۴/۴/۱۱ - ۱۰:۵۷
Background image

په دایکندي لوړو زده کړو موسسه کې د ۴ میلیونه افغانیو په ارزښت د ۶۰ کیلو واټه لمریزې برېښنا پروژه بشپړه او ګټې اخیستنې ته وسپارل شوه


د یاد تحصیلي نهاد مسوولینو په وینا؛ د دې پروژې په بشپړولو سره مو دوامداره ارزانه برېښنا تر لاسه کړه، چې مخکې تر دې مو په لوړ قیمت د جنراتور له برېښنا استفاده کوله.

چهارشنبه ۱۴۰۴/۴/۱۱ - ۵:۲۱
Background image

د لوړو زده کړو سرپرست وزیر په حضور کې د کابل پوهنتون ممتاز محصلین وستایل شول

په کابل پوهنتون کې په همدې مناسبت جوړو شویو مراسمو کې د لوړو زده کړو سرپرست وزیر محترم شیخ الحدیث مولوي نداء محمد ندیم دا ډول غونډې د علمي سلسلې یوه برخه وګڼله او محصلینو ته یې وویل:. . .

دوشنبه ۱۴۰۴/۴/۹ - ۱۴:۳۱
Background image

د مالیزیا هېواد ځانګړي استازي او ورسره مل پلاوي د لوړو زده ‌کړو له سرپرست وزیر سره وکتل 

 

د لیدنې په پیل کې د لوړو زده‌ کړو سرپرست وزیر محترم شیخ الحدیث مولوي نداء محمد ندیم د مالیزیا هېواد ځانګړي استازي او ورسره مل پلاوي ته د ښه راغلاست تر څنګ، د افغانستان په تحصیلي نظام. . .

BACK TO NEWS