د لوړو زده کړو وزارت د اداري او زیربنا ریاست له لوري د ټرانسپورټ او هوايي چلند وزارت په همکارۍ یو ورځنی روزنیز ورکشاپ د دغه وزارت موټر چلوونکو ته د ترافیکي اصولو او مقرراتو د زده کړې په موخه پیل شو.
دغه ورکشاپ چې د ټرانسپورټ او هوايي چلند وزارت په همکارۍ د لوړو زده کړو وزارت اداري او زیر بنا ریاست له لوري په لاره اچول شوی و، د دغه وزارت د مرکزي ادارو، پوهنتونونو او تدریسي روغتونونو ۹۰ تنو موټر چلوونکو پکې ګډون کړی وو.
په دې سمينار کې د ټرانسپورټ او هوايي چلند وزارت استازو د موټر چلوونکو ته د ترافيکي اصولو او مقرراتو د مراعاتولو، د وسايطو د ساتنې او څارنې په اړه لازمې زده کړې او معلومات ورکړي.
د لوړو زده کړو وزارت د اداري او زيربنا رياست مسؤولينو په دغه سمينار کې د ټرانسپورټ او هوايي چلند وزارت له همکاريو څخه د مننې ترڅنګ په دولتي ادارو کې ټرانسپورټي وسايط بیت المال وباله او د ښه ساتنې په اړه يې موټر چلوونکو ته لازمې سپارښتنې وکړې.
