د کندهار ولایت دولتي او خصوصي تحصیلي بنسټونو استادانو ته علمي ـ دیني سمینار د لوړو زده کړو وزارت علمي معین په حضور کې پیل شو. یاد سمینار، چې په کندهار پوهنتون کې جوړ شوی، د لوړو
یاد سمینار، چې په کندهار پوهنتون کې جوړ شوی، د لوړو زده کړو وزارت علمي معین دوکتور لطف الله خیرخواه، د یاد وزارت حقوقي سلاکار مولوي عبدالله سیحان، د کندهار ولایت د بېلابېلو ادارو استازي او د دولتي او خصوصي تحصیلي بنسټونو استادان پکې ګډون لري.
د لوړو زده کړو وزارت علمي معین دوکتور لطف الله خیرخواه په یاد سمینار کې د وینا پرمهال د دې ډول سمینارونو په اړتیا او موخو خبرې وکړې او د علمي کادرونو په توګه یې د هېواد په ابادۍ او ځان بسیاینې کې د استادانو رول او مسؤلیتونه بیان کړل.
علمي معین وویل، چې د ا.ا.ا د لوړو زده کړو وزارت په دې هڅه کې دی څو د مدرسې او پوهنتون ترمنځ واټن ختم کړي او د دغې چارې سرته رسولو په موخه د هېواد ډېری پوهنتونونه د ورته سمینارونو کوربانه دي، چې د پوهنتونونو استادان او علماء کرام پکې په یوه موضوع بحث او مناقشې ترسره کوي، ترڅو د ګډې ناستې په ترڅ کې د یو له بل له علمي پانګې ګټه واخیستل شي.
د سمینار په پیل کې د کندهار پوهنتون رئیس مولوي اکرم شاه عاصم ګډونوالو ته ښه راغلاست ووایه او خوښي يې وښوده، چې په داسې علمي موضوعاتو کې سره ګډه ناسته لرو.
وروسته د کندهار ولایت د والي مرستیال مولوي حیات الله مبارک د (اسلامي نظام اهمیت او د ا.ا نظامي پرمختګونه) او همدارنګه د جنوب لویديځ زون د تمیز محکمې رئیس مولوي سردار محمد د (نیت او اخلاص) په اړه ویناوې وکړې او د مناقشې په ډول یې د ګډونوالو پوښتنې ځواب کړې.
