د مالیزیا د البخاري پوهنتون د تحصیلي بورسونو اعلان!
Due
-
د مالیزیا هېواد په کوالالامپور د افغانستان سفارت په لاندې شرایطو د ۲۰۲۲ م کال د اکټوبر سمستر لپاره نویو محصلینو ته د لېسانس تحصیلي بورسونو خبر ورکوي، چې د لوړو زده کړو وزارت یاد بورسونه د ازادې سیالۍ په موخه اعلان ته ورکوي.
اړین شرایط او اسناد:
د ښوونځي فراغت سند (شهادت نامه) لرل، چې د نمرو سلنه یې له 70 څخه کمه نه وي او د بهرنیو چارو وزارت تایید هم ولري "د ثبت نام پرمهال اصل شهادت نامه لرل اړین دي."
- پاسپورټ .
- د تابیعت تذکره .
- د کاندید د کورنۍ عواید په میاشتني ډول "300" امریکايي ډالر وي.
- د غوښتونکي عمر باید د 18 او 22 کلونو ترمنځ وي.
- د کاندید مدني حالت باید مجرد وي.
د یادو بورسونو د تحصیلي دورې په اوږدو کې د تدریس فیس، لیلیه او د محصل جیب خرچ شامل دي.
د تحصیلي څانګو په اړه د لا زیاتو معلوماتو لپاره، دغه انټرنیټي apply.aiu.edu.my ادرس ته مراجعه وکړئ، غوښتنپاڼه ډکه او د اسنادو د ارزیابۍ په موخه خپل ټول اسناد یاد لینک ته واستوئ!
د پوهنتون د ارزونې کمېټه د کاندیدانو د تحصیلي اسنادو بیاکتنه کوي او که اړتیا وي، انفرادي مرکې (انټرویو) ورسره آنلاین ترسره او وړ اشخاصو ته بورسونه ورکوي، او هغه غوښتونکي چې د سکالرشيپ په ترلاسه کولو کې بریالي کېږي د اکتوبر 2022 په سمستر کې به خپل درسونه پیل کړي.
په همدې اساس په شرایطو برابرو داوطلبانو ته خبر ورکول کېږي، که دوی غواړي چې د ذکر شوي هېواد سکالرشیپونو لپاره نوم لیکنه وکړي، د 24/4/1401 نېټې سره سم د 2022 کال د جولای له 31 مې دمخه دې په ذکر شوي انټرنیټي ادرس کې د آنلاین نوم لیکنې پروسې بشپړولو سربیره، د لوړو زده کړو وزارت د پذیرش په امریت کې د بهرنیو اړېکو او بورسونو د تنظیم اړوند (۱۵) غرفې ته، د اصل اسنادو سره مراجعه وکړي او د ضروري اسنادو یوه یوه کاپي دې وسپاري.