د لوړو زده کړو سرپرست وزیر د لوړو زده کړو وزارت او کابل پوهنتون کارمندانو ته په ځانګړي اصلاحي مجلس کې وینا وکړه.
د لوړو زده کړو وزارت د دعوت او ارشاد ریاست په همغږۍ د لوړو زده کړو سرپرست وزیر شیخ الحدیث مولوي نداء محمد ندیم صاحب د لوړو زده کړو وزارت او کابل پوهنتون کارمندانو ته د کابل پوهنتون په تمیم انصاري تالار کې د سهار له ۷:۳۰ تر ۹:۰۰ بجو بورې په اصلاحي مجلس کې وینا وکړه.
سرپرست وزیر پر صبر، اطاعت، بېاطاعتۍ، د لمونځ ارزښت، مسؤلیتونو، بیت المال، اخلاص او یو څو نورو موضوعاتو خبرې وکړې. هغه کاروونکو ته په خطاب کې وویل چې، د مراجعینو کارونه په وخت ترسره کوئ او په کارونو کې ورسره اساني کوئ.
نوموړي زیاته کړه چې، تاسو ته درسپارل شوي مسؤلیتونه امانتونه دي پکې خیانت مکوئ او د خپلو امرانو اطاعت کوئ ځکه چې بېاطاعتي نفاق رامنځته کوي.
غونډه په دعا سره پای ته ورسیده.
نېټه: چهارشنبه
۱۵/۱/۱۴۴۵ هـ ق ۱۱/۵/۱۴۰۲ هـ ش ۲/۸/۲۰۲۳ م
