د امارتي تحصیلي بنسټونو د څېړنو او علمي مرستیالانو لپاره د څېړنو او نوښتونو تر عنوان لاندې درې ورځنی ورکشاپ پای ته ورسید.
یاد ورکشاپ، چې د لوړو زده کړو وزارت د تحقیق، تألیف او ژباړې ریاست په نوښت جوړ شوی و؛ په تحصیلي بنسټونو کې د لابراتوارونو او کتابتونو د تجهیز څرنګوالي، کاري پلانونو، د یادو مرستیالانو تر منځ د دندو لایحو پر تفکیک، د څېړنو لپاره د بودیجې مشخصول، د مسؤلیتونو وېش، د څېړنو معاونیت تشکیلاتي جوړښت او په هېواد کې د علمي څېړنو د ودې په اړه بحثونه وشول.
په پای غونډه کې د لوړو زدهکړو علمي معین دوکتور لطف الله خیرخواه د ورکشاپ له ګډونوالو مننه وکړه او د ورکشاپ پر ګټو او لاسته راوړنو یې خبرې وکړې.
وروسته دوکتور حميدالله مزمل د تحقیق، تألیف او ژباړې رئیس هم د جوړو شویو کمیټو د نظرونو جمع بندۍ ترڅنګ له ټولو مننه وکړه.
د یادولو وړ ده چې د ا.ا.ا له راتګ وروسته په هېواد کې علمي څېړنو ته ځانګړې پاملرې شوې او په ۲۵ پوهنتونونو کې د څېړنې معاونیتونه ایجاد شوي دي.
