د محصلانو د چارو معینیت شورا نوبتي غونډه وشوه
د زدکړیالانو چارو معیینیت شورا نوبتي غونډه د زدکړیالانو چارو معین سید فرهاد شهید زاده په مشرۍ جوړه شوه او په تحصیلي بنسټونو کې د حضوري درسونو د پیلېدو د څرنګوالي په اړه لازمې پرېکړې وشوې. په یاده غونډه کې تر ډېره د لوړو زده کړو کیفیت ساتلو په اړه او د مخکنیو تشدیدي سمسترونو ځینو نیمګړتیاوو د جبرانولو، د نافذ شویو روزنیزو مقررو مراعاتولو او د هغو مسایلو لپاره چې پلي کول یې په اوسني سمستر کې د محدودیتونو له امله ناشونې دي او د بدیل تدابیرو نیولو او د عامې روغتیا وزارت د روغتیایي سپارښتنو په پام کې نیولو سره د حضوري درسونو پر بشپړولو باندې بحث وشو او په دې برخه کې د حل لارو وړاندیز وشو. په پایله کې دوې وړاندیز شوې طرحې د سمسترونو او کرېډېټونو بشپړولو لپاره د هېواد د تودو او سړو ولایتونو په پام کې نیولو سره د لوړو سمسترونو لپاره د زدکړیالانو د ارتقا لپاره وړاندې شوې او پرېکړه وشوه چې دغه طرحې د لوړو زده کړو وزارت مشرتابه شورا ته وړاندې شي. په پام کې ده چې له دې وړاندیزو شویو طرحو څخه به یوه د دولتي چارواکو لخوا تر تصویب وروسته پلې شي.
