د لېسانس او ماسټري په کچه د سلواک هېواد د تحصیلي بورسونو خبرتیا

baqir_admin
ا

Due

-

د بهرنیو چارو وزارت د سلواک هېواد د ۲۰۲۱ - ۲۰۲۲ تحصیلي کلونو لپاره په ځانګړو څانګو کې د لېسانس او ماسټرۍ په کچه د پنځو دولتي بورسونو د ورکړې خبر ورکړی دی.

د بورسونو شرایط:

د شته تحصیلي څانګو، د وړاندې شویو بورسونو کره شمېر، د بورس د ورکړې شرایطو او همدارنګه د بورس د نوملیکنې فورمو او داسې نورو مواردو په اړه د مفصلو معلوماتو ترلاسه کولو لپاره دغه www.vladnestipendia.sk وېبپاڼه وګوري.

د لېسانس او ماسټري لپاره د نوماند عمر باید له ۱۸ تر ۲۶ کلونو پورې وي.

غوښتونکي باید د خپلو غوښتنلیکونو یا فورمو تر استولو مخکې یاده وېبپاڼه هرو مرو وګوري او په وېبپاڼه کې د ورکړل شویو څرګندونو د کره پلټنې تر څنګ د غوښتنلیکونو فورمې له چلنلارې سره سم د انټرنټ له لارې اړوند مراجعو ته واستوي.

که چېرې غوښتونکي د فورمو ډکولو په اړه پوښتنې ولري او یا هم د برېښنایي فورم ډکولو په برخه کې له ستونزې سره مخ شي، نو د 00421907551404 ټلیفون شمېرې او یا helpdesk@studyabroad.sk برېښنالیک پتې سره دې اړیکه ونیسي.

غوښتونکي کولای شي چې خپل ټول اسناد سیده د یادې وېبپانې له لارې واستوي او تر ټاکل شوې مودې وروسته د منلو وړ نه دي.

هغه نوماندان چې د سلواک دولت د بورسونو په تر لاسه کولو بریالي شي مخکې له دې چې هغه هېواد ته ولاړ شي باید د بهرنیو چارو وزارت له لوري خپل د تصدیق شويو تحصیلي اسنادو اصل او نور د اړتیا وړ اسناد د نوملیکنې پر مهال یاد پوهنتون او د لوړو زده کړو وزارت نړیوالو همکاریو څانګې، سلواک جمهوريت علومو، څېړنو او سپورټ برخې ته وسپاري، ځکه چې د نوملیکنې پر مهال د اصلي اسنادو له وړاندې کولو پرته منل شوي غوښتونکي تحصیلي بورس نه شي تر لاسه کولای.

که چېرې غوښتونکي په سلواکي ژبه کافي بلدتیا ونه لري، د ۲۰۲۱ کال په سپټمبر میاشت کې د ژبې یو لنډمهاله کورس پیلېږي او ۱۰ میاشتې دوام کوي. په دې اړه د معلوماتو ترلاسه کولو لپاره دغه www.cdv.uniba.sk وېبپاڼه وګورئ.

د یادونې وړ ده چې د غوښتونکو د نوملیکنې د اړتیا وړ اسنادو څخه یو هم د افغانستان اسلامي جمهوريت اړوند موسسې/ وزارت له خوا رسمي معرفي پاڼې وړاندې کول دي او دغه چاره به د لوړو زده کړو له لارې د بهرنیو چارو وزارت په همکارۍ تر سره شي. پرته له هغه به غوښتونکي په یاد بورس کې ونه منل شي.

ټولو د شرایطو وړ مېنوالو ته خبر ورکول کېږي، چې که چېرې غواړي د یاد هېواد تحصیلي بورسونو ته نوملیکنه وکړي نو د نوملیکنې لپاره دې له اصلي اسنادو سره د لوړو زده کړو وزارت (۲۱) شمېرې د عمومي منښت غرفې ته ورشي او خپل اسناد د ۲۰۱۲ کال د مۍ میاشتې ۱۵مې څخه مخکې چې د ۱۴۰۰کال د غویي له ۳۰مې سره سمون لري، دغه وزارت ته وسپاري.

آخرین بورسیه ها

پنجشنبه ۱۴۰۰/۳/۲۰ - ۷:۲۳
Background image

د پاکستان هېواد په(CIIT) پوهنتون کې د لېسانس او ماسټرۍ په کچه په تحصیلي فیس کې له تخفیف سره د تحصیلې بورسونو خبرتیا

د افغانستان ا.ج د بهرنیو چارو وزارت د  6583 شمېرې لیک په ترڅ کې په ۱۰/۰۳/۱۴۰۰ نېټه د ۲۰۲۱ کال د مني لپاره د ۵۰ سلنه وړیا او په شخصې لګښت په بېلابېلو تحصیلي څانګو کې د لېسانس او ماسټرۍ . . .

یکشنبه ۱۴۰۰/۳/۱۶ - ۱۱:۵۰
Background image

د ماسټرۍ په کچه د اندونیزیا هېواد اسلام ملنګ پوهنتون تحصیلي بورسیو خبرتیا

د اندونیزیا هېواد اسلام ملنګ پوهنتون د ‍‍‍۱۴۰۰ کال لپاره د افغانستان ځوانانو ته په بېلابېلو کچو کې د (۴) تحصیلي بورسیو خبر ورکړی چې دوه یې د ماسټرۍ په کچه دي.

د بورسیې شرایط:

۰ د . . .

پنجشنبه ۱۴۰۰/۳/۶ - ۹:۵۸
Background image

د لېسانس او ماسټرۍ په کچه د هند ویشوا کرما د پونه ښار پوهنتون تحصیلي بورسونو خبرتیا!

په انجنیرۍ څانګو، اداره، ساینس، سوداګرۍ، معلوماتي ټکنالوژۍ، طراحۍ، ښکلو هنرونو، ژورنالېزم، ټولیزې اړیکې، قانون او نورو برخو کې  د لېسانس او ماسټري په کچه د هند ویشوا کرما د پونه ښار . . .