د لوړو زده کړو وزارت سرپرست د افغانستان امریکايي پوهنتون له مختلفو برخو لیدنه وکړه
د لوړو زده کړو وزارت سرپرست شېخ عبدالباقي حقاني او ورسره مل پلاوي تېره ورځ د افغانستان امریکایي پوهنتون له بېلابېلو برخو څخه لیدنه وکړه.
په دغه لیدنه کې شېخ عبدالباقي حقاني او ورسره مل پلاوي، د افغان امریکایي پوهنتون له ودانۍ، درسي او اداري خونو، کتابتون، لابراتوارونو او نورو برخو څخه لیدنه وکړه او د یاد پوهنتون لپاره موظف شویو ساتونکو ته یې سپارښتنه وکړه، چې له نوموړي پوهنتون څخه په خورا غور او امانتدارۍ ساتنه وکړي.
شېخ عبدالباقي حقاني او ورسره مل پلاوي همدا ډول د دغه پوهنتون د پاتې اسنادو د ساتنې په برخه کې د پوهنتون ساتونکو ته ځانګړې سپارښتنې وکړې.
