د لوړو زده کړو وزارت د زدکړیالانو د چارو معینیت شورا غونډه جوړه شوه
د لوړو زده کړو وزارت د زدکړیالانو چارو معینیت غونډه د دغه وزارت د زدکړیالانو چارو معین سید فرهاد شهیدزاده په مشرۍ جوړه شوه.
په دې غونډه کې د ازموینو ملي ادارې تخنیکي خدمتونو رییس لطف الرحمن حقمل او ازموینو د چارو انسجام رییس سیف الله رسولي، د لوړو زده کړو وزارت دولتي او خصوصي زدکړیالانو، بهرني اسنادو ارزونې، بهرنیو اړیکو او بورسیو تنظیم، اکاډمیکو چارو ارزونې او د زدکړیالانو چارو سلاکار او د زدکړیالانو خدماتو د انسجام آمر ګډون کړی و.
په دې غونډه کې له اجنډا سره سم د شپې پروګرامونو ته د ګډونوالو د معرفي کولو ډول او روغتیایي سپارښتنو ته پاملرنې سره د ۱۴۰۰ کال کانکور ازموینې اخیستل، د زدکړیالانو انفکاک، د زده کړو دوام او له هېواد څخه بهر او دننه د ماسټرۍ او دوکتورا پروګرامونو فارغانو تېزسونو ثبت په اړه بحث او تبادل نظر وشو او اړینې پرېکړې وشوې.
