د لوړو زده کړو وزارت او د بشري حقونو خپلواک کمېسیون ترمنځ د همکارۍ هوکړه لیک لاسلیک شو
د دغه هوکړه لیک پر بنسټ ټولې خواوې به د لوړو زده کړو بنسټونو له لارې د زدکړیالانو لپاره په اکاډمیک ډول د بشري حقونو د زده کړې په برخه کې همکاري کوي.
د لوړو زده کړو وزیر ډاکټر عباس بصیر د لاسلیک په مراسمو کې وویل:"په یوه ټولنه کې چې د بشري ارزښتونو بنسټیز اصول رعایت نه شي، هغه ټولنه نه شي کولای چې د خپلو اتباعو ترمنځ عادلانه اړیکې رامنځته کړي."
د لوړو زده کړو وزیر وویل چې په هېواد کې د تلپاتې سولې بڼسټ په هېواد کې د لوړو زده کړو نظام له لارې د بشري حقونو ارزښتونو ته وده او ترویج ورکول دي. هغه زیاته کړه چې د اصولو او بشري ارزښتونو وده او ترویج د ټولنې افکار کار کولو ته اړتیا لري ترڅو زدکړیالانو ته د تاوتریخوالي کلتور پرځای د زغم کلتور ورزده کړو.
ډاکټر عباس بصیر ټینګار وکړ چې د نورو پوهې او بصیرتونو ښوونې ترڅنګ، د تحصیلي نظام له لارې د بشري حقونو او ارزښتونو ترویج د لوړو زده کړو وزارت د مسولیتونو یوه برخه ده. هغه هیله څرګنده کړه چې د دې دوه اړخیز هوکړه لیک لاسلیک به په هېواد کې د بشري حقونو ارزښتونو درک او پلي کولو لپاره یو ښه بستر شي.
د افغانستان د بشري حقونو خپلواک کمېسیون مشرې مېرمن شهرزاد اکبر د دوه اړخیز هوکړه لیک له لاسلیک څخه د مننې ترڅنګ د لوړو زده کړو وزارت څخه یې د بشري حقونو د مسئلو په ترویجولو او روښانه کولو کې د همکارۍ له امله مننه وکړه.
اغلې اکبر په هېواد کې د بشري حقونو د دفاع تاریخ ته په اشارې سره وویل چې د افغانستان دولت په داسې حال کې چې د بشري حقونو د ارزښتونو ساتنه مني، د هغوی په ترویج کې د مهمو دولتي بڼسټونو له آدرس څخه همکاري کوي او ژمن دی. د افغانستان د بشري حقونو د خپلواک کمېسیون رییسې وویل چې د همکاریو هوکړه لیکونو لاسلیکول به د بشري حقونو ارزښتونو برابرولو لپاره هڅې به لا ډېرې مانا لرونکې کړي او موخې ته د رسېدلو لاره به لنډه کړي.
په پای کې یاد هوکړه لیک د لوړو زده کړو وزیر ډاکټر عباس بصیر او د افغانستان د بشري حقونو خپلواک کمېسیون رییسې اغلې شهرزاد اکبر ترمنځ لاسلیک شو.
