د لوړو زده کړو سرپرست وزیر میدان وردګو ولایت ته د خپل رسمي سفر په ترڅ کې د میدان وردګ لوړو زده کړو مؤسسې له مسؤلینو او استادانو سره وکتل.
د لوړو زده کړو سرپرست وزیر شیخ الحدیث مولوي نداء محمد ندیم صاحب د یوې ناستې په ترڅ کې د میدان وردګ لوړو زده کړو مؤسسې د مشرتابه او استادانو ستونزې او وړاندیزونه واورېدل، هغوی ته یې د اداري او تدریسي چارو د غوره والي په موخه لازمې سپارښتنې وکړې.
دغه راز د لوړو زده کړو سرپرست وزیر د یاد تحصیلي بنسټ استادانو ته ډاډ ورکړ، چې وزارت مو هر اړخیز ملاتړ کوي او ترې ویې غوښتل چې په پوره اخلاص او ډاډمنه فضاء کې د هېواد د بچیانو سالمه روزنه وکړي.
شیخ الحدیث مولوي نداء محمد ندیم صاحب د میدان وردګ لوړو زده کړو مؤسسې مسؤلینو او استادانو ته د ستونزو د حل او اړتیاوو پوره کولو ډاډ ورکړ.
د یادولو وړ ده چې د لوړو زده کړو سرپرست وزیر د هېواد تحصیلي بنسټونو د ستونزو او تحصیلي جریان د لیدنې او څارنې په موخه ولایتونو ته سفرونه پیل کړي دي.
