د لوړو زده کړو وزارت د څارنې او ارزونې رياست پلاوي د ولایتي سفرونو په لړ کې تردې مهاله د دريو ولايتونو له امارتي او خصوصي تحصيلي بنسټونو څخه څارنه او ارزونه کړې ده.
ياد پلاوي چي د پوهنتونونو څخه د څارنې او ارزونې په موخه تللي وو، د بامیان، پروان او دايکندي تحصیلي بنسټونو څارنه او ارزونه يې وکړه.
په یادو ولایتونو کې د خصوصي تحصیلي بنسټونو د څارنې او ارزونې ترڅنګ يې د امارتي تحصیلي بنسټونو د علمي، محصلانو او مالي او اداري معاونیتونو اړوند چارو څارنه او ارزونه هم وکړه او د یادو بنسټونو له محصلانو سره یې د ناستو ترڅنګ د هغوی ستونزې او وړاندیزونه واورېدل.
د تحصیلي بنسټونو څارنه او ارزونه د تحصیلي او اداري چارو د ښه والي، د ستونزو د حل، د مسؤلینو او محصلینو د وړاندیزونو اورېدو په موخه ترسره کېږي.
نېټه: پنجشنبه ۱۴۴۵/۴/۱۸ هـ.ق ۱۴۰۲/۸/۱۱ هـ.ش۲۰۲۳/۱۱/۲ م
