د افغان نړیوال پوهنتون علمي کادري بستونو ازموینه واخیستل شوه.
2/11/1443
12/3/1401
د افغان نړیوال پوهنتون علمي کادري بستونو ازموینه واخیستل شوه.
د لوړو زده کړو سرپرست وزیر الحاج مولوي عبدالباقي حقاني د ازموينې د څارنې پر مهال د ازموینې پر روڼتیا او د وړ استادانو پر لار موندنې ټینګار وکړ.
په دغې ازموینه کې ۸۳ تنه داوطلبانو د شرعیاتو پوهنځی دریو څانګو (فقه او قانون، قضا او سیاست او مالي او اسلامي بانکدارۍ) په علمي کادري بستونو کې د شاملېدو په موخه سيالي وکړه.
د لوړو زده کړو وزارت د تحصیلي نصاب رئيس مفتي عبدالروف فراهي د ازموينې د څرنګوالي په اړه معلومات ورکړل او زياته يې کړه، چې ډېر ژر به له یادو ګډونوالو څخه تقریري ازموينه هم واخيستل شي.
وروسته د لوړو زده کړو سرپرست وزیر د افغان نړیوال پوهنتون له کتابتون او بېلابېلو څانګو څخه لیدنه وکړه او د دغه تحصیلي بنسټ د غوره مدیریت په موخه یې مسؤلینو ته لازمې لارښوونې وکړې.
