په ۱۴۰۰ کال کې د هېواد د تودو ولایتونو د دولتي او خصوصي بنسټونو د اکاډمیک مهالوېش د بیاکتنې په هکله د لوړو زده کړو وزارت خبرتیا

baqir_admin
ل

د ۱۴۰۰ تحصیلي کال د سمستر پیل په اړه د هېواد تودو ولایتونو د لوړو زده کړو بنسټونو لخوا د لیکلو طرحو د استولو او د زدکړیالانو د پرله پسې غوښتنو پر بنسټ د زدکړیالانو د چارو معینیت شورا روان کال د غویي د ۱۸مې نېټې په غونډه کې د هېواد په تودو ولایتونو د لوړو زده کړو بنسټونو د اکاډمیک مهالوېش د بیاکتنې په هکله پر دوه غوراویو پرېکړه وشوه چې په لاندې ډول دي:

لومړی غوراوی:

 د هېواد د تودو ولایتونو د لوړو زده کړو هغه دولتي او خصوصي بنسټونه چې روان کال د غویي په ۲۰مه یې د درسونو د پیلېدو غوښتنه کړې، که چېرې لاندې شرایط بشپړ کړي نو په یاده نېټه سمستر پیلولای شي:

د لېسانس روزنیزې مقررې د ۱۳مې مادې مراعاتول او په حضوري توګه د ۱۶ درسي اوونیو بشپړول؛

په حضوري توګه د درسونو مخته وړلو کې د ټولو کیفي معیارونو مراعاتول؛

د اوړي په ورځو کې د ټولګیو مخته نه وړلو او په دغو پوهنتونونو کې د اسانتیاوو نشتوالي له مخې د تودو ولایتونو د هوا شرایطو په پام کې نیولو د زدکړیالانو لپاره د لازمو اسانتیاوو برابرول؛

د کورونا ویروس درېیمې څپې د پراختیا مخنیوي کې د لازمو وقایوي تدابیرو مراعاتول؛

د دغو ولایتونو د هوا متفاوتو شرایطو کې د اسانتیاوو نشتوالي په برخه کې د دولتي او خصوصي پوهنتونونو په شپېځایونو کې د شاملو او له شپېځایونو څخه بهر په شخصي خونو کې د زدکړیالانو د ستونزو په پام کې نیولو سره د اړینو اسانتیاوو برابرول؛

د نورو اکاډمیکو او اداري مسوولیتونو په منلو سره د حضوري ټولګیو ترسره کولو په موخه د تحصیلي بنسټ د علمي شورا له لارې د سمسترونو د پیل او پای په تفکیک سره د هغه تحصیلي بنسټ د ۱۴۰۰ تحصیلي کال لپاره د څرګند اکاډمیک مهالوېش وړاندې کول؛

دویم غوراوی:

د لوړو زده کړو هغه دولتي او خصوصي بنسټونه چې په اړوند ولایت کې د هوا شرایطو له مخې د دغې طرحې د لومړي نمبر پرېکړې سره سم لازمې اسانتیاوې نه شي برابرولای، مکلف دي چې د لېسانس دورې روزنیزې مقررې ۱۳مې مادې پر بنسټ د مشرتابه شورا د روان کال د غویي ۱۱مې نېټې پرېکړې سره سم اکاډمیک مهالوېش پلی کړي.

یاداښت:

-1 د یادونې وړ ده چې د هېواد سړو ولایتونو د لوړو زده کړو ټول دولتي او خصوصي بنسټونه مکلف دي چې د تحصیلي بنسټونو د حضوري درسونو د بشپړولو په برخه کې د روزنیزې مقررې دیارلسمې مادې په رڼا کې د اکاډمیک مهالوېش په هکله د لوړو زده کړو وزارت د مشرتابه شورا د روان کال د غویي ۱۱مې نېټې پرېکړه او د زدکړیالانو د چارو معینیت شورا د روان کال د غویي ۶مې نېټې پرېکړه پلې کړي. د اکاډمیک مهالوېش په ځانګړې توګه د مني په سمستر کې د پلي کولو د څرنګوالي جزئیات د بودجې او هوا محدودیتونو پر بنسټ په رسمي توګه استول کېږي.

-2 په هېواد کې د لوړو زده کړو په کچه د نظم او همغږۍ رامنځته کولو لپاره د لوړو زده کړو هېڅ بنسټ (خصوصي او دولتي) د لېسانس روزنیزې مقررې ۱۳مې مادې درېیم بند پر بنسټ اجازه نه لري چې په خپل سري توګه په ۱۴۰۰ تحصیلي کال کې د پورتنیو غوراویو څخه جلا اکاډمیک مهالوېش تنظیم کړي.

-3 د اکاډمیکو چارو د ارزونې ریاست د پورته پرېکړو پلي کول وڅاري او په دوامداره توګه خپل راپور د زدکړیالانو چارو معینیت شورا او د لوړو زده کړو وزارت مشرتابه شورا ته وړاندې کړي.

 

د لوړو زده کړو وزارت

آخرین اطلاعیه ها

پنجشنبه ۱۴۰۰/۸/۱۳ - ۹:۵۴
Background image

اطلاعیه وزارت تحصیلات عالی در رابطه به تبدیلی از یک نهاد تحصیلات عالی خصوصی به دیگر نهاد تحصیلات عالی خصوصی

اطلاعیه وزارت تحصیلات عالی در رابطه به تبدیلی از یک نهاد تحصیلات عالی خصوصی به دیگر نهاد تحصیلات عالی خصوصی
به اساس فیصله شورای رهبری وزارت تحصیلات عالی بنابر آسیب پذیری سمسترها از اثر . . .

شنبه ۱۴۰۰/۶/۲۷ - ۶:۵۵
Background image

رؤسا و مؤسسين محترم پوهنتونهای خصوصی!

السلام علیکم ورحمه الله وبرکاته

  امیدواریم که در همه امور دینی و دنیوی خود  شاد و موفق باشید.

 

 به دلیل شیوع ویروس کرونا و تحولات مثبت اخیر در کشور، درسهای سمستر فعلی مختل شده و به . . .

پنجشنبه ۱۴۰۰/۶/۲۵ - ۴:۳۷
Background image

اعلامیه وزارت تحصیلات عالی

قابل توجه هموطنان عزیز و رسانه های محترم!

به اطلاع هموطنان عزیز رسانیده می‌شود که  شیخ عبدالباقی حقانی سرپرست وزارت تحصیلات عالی، هیچ گونه صفحه رسمی به‌ نام شان در رسانه های اجتماعی . . .

بازگشت به اطلاعیه ها