معین امور محصلان وزارت تحصیلات عالی ضمن جویایی احوال کارمندان و نظارت از دفاتر مرکزی این وزارت، آنان را متوجه وظایف و مسئولیت های کاری شان نمود.
مفتی محمد طاهر احمد معین امور محصلان این وزارت در حالیکه تعداد از رؤسای این وزارت نیز وی را همراهی میکردند، از دفاتر مرکزی این وزارت دیدن نموده ضمن جویایی صحتمندی کارمندان دفاتر مرکزی وزارت تحصیلات عالی و نظارت از روند کاری آنان، از منسوبین و کارمندان این وزارت خواست تا در امور مربوطه شان بیش از پیش کوشیده، مسئولیت های کاری خویش به وجه احسن و با روحیه عالی انجام دهند.
وی همچنان توجه به نظافت محیط کاری، سرسبزی، پابندی به حاضری و دقت در نظم و دسپلین اداره را از اوصاف کارمندان مسئولیت پذیر عنوان نموده بر رعایت آن تاکید ورزید.
