سرپرست وزارت تحصیلات عالی در مراسم فراغت محصلان دور دهم و یازدهم پوهنځی اقتصاد مؤسسه تحصیلات عالی خصوصی میرویس نیکه ولایت کندهار شرکت نمود.

در مراسمی که به این مناسبت دایر شد، شیخ الحدیث مولوی نداء محمد ندیم سرپرست وزارت تحصیلات عالی ضمن ابراز مراتب تبریکی به محصلان فارغ شده و خانواده های شان، پیرامون پلان ها و برنامه های وزارت تحصیلات عالی در زمینه ارتقا و بلند بردن کیفیت نهاد های تحصیلات عالی کشور صحبت نمود.
سرپرست وزارت تحصیلات عالی همچنان به فارغان یاد شده وعده سپرد که زمینه ادامه تحصیلات عالی شان را به سطح ماستری در آن ولایت مساعد خواهد ساخت و از آنان خواست که از اندوخته های علمی شان در راه خدمت به مردم و کشور شان استفاده صادقانه نمایند.
داکتر نقیب الله افغان رئیس مؤسسه تحصیلات عالی خصوصی میرویس نیکه با ابراز سپاسگزاری از اشتراک سرپرست وزارت تحصیلات عالی در مراسم فراغت یاد شده آن نهاد، در رابطه به فعالیت ها و برنامه های تدریسی و انکشافی مؤسسه تحصیلات عالی میرویس نیکه معلومات ارایه نمود.
به گفته رئیس مؤسسه تحصیلی متذکره از دور دهم و یازدهم پوهنځی اقتصاد مؤسسه تحصیلات عالی خصوصی میرویس نیکه ولایت کندهار، حدوداً 67 تن فارغ گردید که برای خدمتگزاری تقدیم جامعه شدند.