د لوړو زده کړو سرپرست وزیر او د دغه وزارت معین صاحبانو د کابل پولي تخنیک پوهنتون د اوبو نړیوال کنفرانس د دویمې ورځې مقالې واورېدې او د کنفرانس له جریان څخه یې څارنه وکړه
د لوړو زده کړو سرپرست وزیر محترم شیخ الحدیث مولوي نداء محمد ندیم، د دغه وزارت علمي معین شیخ ضیاء الرحمن اریوبي او مالي او اداري معین الحاج حافظ مولوي محمد حامد حسیب د اوبو نړیوال کنفرانس دویمه ورځ کې د داخلي او بهرنیو استادانو له لوري وړاندې کېدونکې مقالې واورېدې او د کنفرانس جریان یې له نږدې وڅاره.
د لوړو زده کړو سرپرست وزیر په کنفرانس کې وړاندې کېدونکې مقالې په هېواد کې د اوبو اړوند ستونزو پر وړاندې مهمې وبللې او ډاډ یې ورکړ چې دغه څېړنې او طرحې به د عملي کولو په موخه د ا.ا.ا سکتوري ادارو سره شریکوي.
د یادونې وړ ده چې د اوبو نړیوال کنفرانس په دویمه ورځ د داخلي او بهرنیو استادانو او متخصصینو له لوري په ۶ محلونو کې د اوبو اړوند شاوخوا ۸۰ علمي څېړنیزې مقالې وړاندې شوې او د ګډونوالو تر منځ ګډ بحثونه وشول.
نېټه: سه شنبه
۱۴۴۶هـ.ق، د شعبان المعظم ۲۶مه
۱۴۰۳هـ.ش، د کب ۷مه
۲۰۲۵م، د فبروري ۲۵مه
