د دیني جامعاتو او تخصصاتو لوی ریاست د فورمو ثبت ډېټابیس د ګټې اخیستنې په موخه ګډونوالو ته تشریح شو.
۲۲/۱۱/۱۴۴۳
۳۱/۰۳/۱۴۰۱
د دیني جامعاتو او تخصصاتو لوی ریاست د فورمو ثبت ډېټابیس د ګټې اخیستنې په موخه ګډونوالو ته تشریح شو.
په همدې تړاو جوړه شوې غونډه کې، د هېواد بېلابېلو وزارتونو او لویو ریاستونو استازو، د دیني جامعاتو او تخصصاتو لوی ریاست رئیسانو او مسؤلینو په حضوري توګه او د هېواد د دولتي پوهنتونونو فوق العاده استازو په انلاین بڼه ګډون کړی وو.
دا غونډه چې د قرانکریم په مبارکو ایاتونو سره پیل شوه، د دیني جامعاتو او تخصصاتو د معتبرو دیني جامعاتو د ثبت رئیس مولوي اسدالله فرید د ناستې ګډونوالو ته د ښه راغلاست تر څنګ، د لوړو زده کړو وزارت د جامعاتو او تخصصاتو لوی ریاست د فعالیتونو او تر سره شوو فعالیتونو په اړه معلومات وړاندې کړل او په دولتي ادارو کې یې د دغې پروسې پر پلي کولو ټينګار وکړ.
همدارنګه د دیني جامعاتو او تخصصاتو لوی ریاست، د فورمو ثبت ډېټابیس، په یاد ډېټابیس کې د اکونټ جوړول، په انلاین بڼه د فورمو ثبتول او ورته نور مهم مسایل د لوړو زده کړو وزارت د معلوماتي ټکنالوژۍ ریاست استازي انجینر ضیاء الرحمن صافي له لوري تشریح او معلومات وړاندې شول او په پای کې کې د ګډونوالو پوښتنو ته ځوابونه ورکړل شول.
هېره دې نه وي چې د دیني جامعاتو او تخصصاتو لوی ریاست، د اسنادو د ارزونې او معادلت په موخه هغو کسانو ته فورمې ورکوي او په تحریري او تقریري ازموینه کې یې شاملوي، چې د ا.ا.ا د تېرې دورې اسناد لري، په تېره شل کلنه دوره کې یې د ا.ا.ا د پوهنې له کمیسیون څخه اسناد تر لاسه کړي او همدارنګه د بیرون مرزي او داخلي مدارسو اسناد له ځانه سره لري.
