د لېسانس او فوق لېسانس (ماسټرۍ او دوکتورا) په کچه د مصر هېواد د تحصیلي بورس خبرتیا

baqir_admin
ل

Due

-

د مصر هېواد د تحصیلي بورسونو خبر ورکړی چې ۴ یې د لېسانس په کچه او ۸ نور یې د فوق لېسانس (ماسټرۍ او دوکتورا) په کچه دي. یاد بورسونه د لوړو زده کړو وزارت محترم مقام د لارښوونې سره سم په عمومي توګه اعلانېږي.

د بورس شرطونه او د اړتیا وړ سندونه:

1.         د لېسانس دورې لپاره د نوماند د نومرو سلنه باید د ۷۰ څخه لوړه وي؛ (د ښوونځي د شهادتپاڼې اصلي سند درلودل اړین دي)

2.         د فوق لېسانس دورې لپاره د نوماند د نومرو سلنه باید د ۶۸ څخه لوړه وي؛ (د تحصیلي اصلي سند درلودل اړین دي)

3.         د لېسانس دورې لپاره د نوماند د فراغت کال باید د ۱۳۹۷-۱۳۹۹ پورې وي.

4. د تابعیت پېژندپاڼه او د زېږون کارت

5.         د الوتکې ټکټ او د تګ او راتګ لګښت د زدکړیال په غاړه دی.

6.         زدکړیال ته په میاشت کې یو سلو اویا مصري پونډه چې ( ۱۲$) امرکایي ډالره کېږي، د بدل اعاشې لپاره ورکول کېږي  او زدکړیال د تحصیلي دورې په بهیر کې د لېسانس په دوره کې (۳۰$) دېرش امریکایي ډالر او د ماسټرۍ په دوره کې (۵۰$) پنځوس امریکایي ډالر په ورکولو سره د لیلیې څخه د ګټې اخیستنې حق لري.

7.         د مصر په پوهنتونونو کې د منلو لپاره  اړین سندونه عبارت دی له: د شهادتپاڼې اصل، د پاسپورت کاپي د زېږون سند کاپي د مصر عربي جمهوریت د لوړو زده کړو وزارت د وېبپاڼې له لارې چې په لاندې ډول دي: https://admission.study-in-egypt.gov.eg واستول شي. د یادونې وړ ده چې په مصر کې د نوماندانو د تحصیلي سندونو د ژباړې، تائید او معادله (۲۰۰۰) دوه زره مصري پونډه چې شاوخوا (۱۳۰$) یو سلو دېرش امریکایي ډالره لګښت کېږي چې په خپله د نوماند په غاړه دي.

8.         د نوماند سندونه باید له ۱۵/۵/۲۰۲۱ نیټې څخه مخکې په یاد شوې وېبپاڼه کې راجسټر شي. د نوماندانو هر ډول سند وروسته له یادې شوي نېټې څخه د منلو وړ نه دي؛

9.         لومړیتوب هغو کسانو ته ورکول کېږي چې په وروستیو کې یې د دوولسم شهادتپاڼه، یانې د ۲۰۲۰ کال شهادتپاڼه ولري؛

10.       د پاسپورت کاپي

11.       د انجنیرۍ او محاسبې پوهنځیو لپاره، د پوهنځي د څلور کلنو نومرو ټرانسکرېپټ، د فارغ التحصیلۍ طرحې یا مونوګراف یوه نسخه کاپي

هغه اړین ټکې چې باید جدي پاملرنه ورته وشي:

          هغه کسان چې د لېسانس لپاره ورپېژندل کېږي باید ښوونځي د نومرو سلنه یې د ۶۸ سلنې څخه لوړ وي، همدارنګه هغه زدکړیال چې د ماسټرۍ په لومړنۍ پړاو کې ناکام شي، بیاځلي د نوملیکنې حق نه لري او  نه شي کولی د ماسټرۍ په مرحله کې شامل شي.

          د امنیتې وضعیت او د مصر او ایران تر منځ خرابو اړیکو په پام کې نیولو سره د نوماند شهادتپاڼه باید د ایران اسلامي جمهوریت څخه نه وي، د ایران د ناسمو اړیکو له امله چې د مصر امنیت سره یې لري د ایران فارغانو سندونه نه منل کېږي.

          نوماندان باید د پاکستان له دیني مدرسو څخه لکه (وفاق المدرس او نورو) شهادتپاڼه ونه لري.

د یادونې وړ ده چې د فوق لېسانس لپاره په لومړي پړاو کې باید د نوماند سندونه د مصر پوهنتونونو د مقرراتو سره سم د https://equ.scu.eg ویبپانې له لارې معادلې ته وړاندې شي او د معادلې پروسه له دوو څخه تر شپږو میاشتو پورې وخت نیسې او شاوخوا ۲۰۰ امریکایي ډالر لګښت لري چې د نوماند په غاړه دي.

غوښتونکي کولی شي چې تر ۶/۶/۱۴۰۰ نېټې پورې چې د ۲۸/۸/۲۰۲۱  نېټې سره سمون لري نوملیکنه وکړي او د بورس د پای نېټې څخه  مخکې کولی شي د لوړو زده کړو وزارت د عمومي منښت ۲۱ شمېرې غرفې څخه د اړتیا وړ فورمونه لاسته راوړې او تر ډکولو وروسته بېرته وسپاري.

د یادونې وړ ده چې که چېرې د غوښتونکو شمېر د یادو شویو بورسونو له شمېر څخه ډېر وي، نو یو کس وړ نوماند به د ښوونځي او پوهنتون د لوړې نومرې د سلنې په پام کې نیولو سره وټاکل شي.

آخرین بورسیه ها

دوشنبه ۱۴۰۱/۷/۱۸ - ۷:۴۶
Background image

د لېسانس، ماسټرۍ او دوکتورا په برخه کې د روسيې فدراتیف هېواد د 2023- 2024 کال تحصيلي بورسونو خبرتیا !

په افغانستان کې د روسيې فدراسیون سفارت د ملي کادرونو د ښوونې او روزنې په برخه کې د مرستې په موخه، د لېسانس، ماسټرۍ او دوکتورا په برخه کې 500 سيټه بورسونه وړاندې کوي، د روسيې په تحصيلي . . .

دوشنبه ۱۴۰۱/۷/۱۸ - ۶:۳۷
Background image

د سارک همکاریو سازمان په چوکاټ کې د بنګله دېش هېواد د بورسونو خبرتیا!

د بنګله دېش ډاکې پوهنتون د سارک غړو هېوادونو داوطلبانو ته په ماسټري کچه د طبي علومو شپږمې دورې معلولینو متخصصینو لپاره د ۲۰۲۲ـ  ۲۰۲۳ کال کې د تحصیلي بورسونو خبر ورکوي.  
د بورس شرایط:
1 . . .

پنجشنبه ۱۴۰۱/۳/۱۲ - ۷:۵۱ مالیزیا
Background image

د ماسټري او دوکتورا په کچه د مالیزیا تحصیلي بوروسونو خبرتیا !

د مالیزیا بهرنیو چارو وزارت د ماسټري او دوکتورا په کچه، د لاندې شرایطو لرونکو نوماندانو لپاره د ۱۰۰تحصیلي بوروسونو خبر ورکړی دی. 
د بورسونو شرایط: 
۱ـ د نوماند عمر د ماسټري لپاره تر ۴۰ . . .