امتحان رقابتی بست های اداری پوهنتون های ولایات جوزجان فاریاب و سرپل در پوهنتون جوزجان برگزار گردید.
امتحان رقابتی بست های اداری ولایات جوزجان، فاریاب و سرپل با حضورداشت هیئت اعزامی مقام وزارت تحصیلات عالی، رهبری پوهنتون جوزجان، نماینده گان مقام ولایت، آمریت اصلاحات اداری ولایت جوزجان و داوطلبان واجد شرايط ولایات مذکور در استدیوم ورزشی پوهنتون جوزجان برگزار گردید .
شیخ عبدالله سیحان مشاور حقوقی وزارت تحصیلات عالی و رئیس هیئت برگزار کننده امتحان، ضمن ارایه معلومات در مورد پروسه امتحانات رقابتی وزارت تحصیلات عالی گفت که در امتحان یاد شده، به تعداد ۲۷۵ تن از داوطلبان واجد شرايط از سه ولایت اشتراک نموده اند که پروسه استخدام آن از طریق کمیته مؤظف مقام وزارت تحصیلات عالی به پیش برده می‌شود.
مفتی سید انوارالحق حبیبی رئیس پوهنتون جوزجان نیز طی سخنانی، از برگزاری پروسه شفاف امتحانات سه ولایت در پوهنتون جوزجان استقبال نموده و برای اشتراک کنندگان آرزوی موفقیت کرد.
