د لوړو زده کړو وزارت علمي معینیت شورا ناسته د دې وزارت علمي معین په مشرۍ ترسره شوه.
د ناستې په پیلیزه وینا کې د لوړو زده کړو وزارت علمي معین دوکتور لطف الله خیرخواه د روان کال په اوږدو کې د لوړو زده کړو وزارت اړوند د علمي برخو د انکشافي او پراختیايي پروګرامونو په اړه خبرې وکړې او په علمي او اکاډمیکو برخو کې یې پر لا زیاتو کارونو او هڅو ټینګار وکړ.
ورپسې له اجنډا سره سم د تېرو ناستو پرېکړو ته لنډه کتنه وشوه او د شورا غړو د علمي سرغړونو د پلټنې او ارزونې پر کړنلاره بحث وکړ.
دغه راز د هېواد د تحصيلي بنسټونو د یو شمېر استادانو د دندې استحصال، علمي کادر غړو د رخصتۍ مودې او په نورو بېلا بېلو علمي او اکاډمیکو موضوعاتو بحثونه او اړینې پرېکړې وشوې.
نېټه: دوشنبه
۱۴۴۶ هـ ق د صفرالمظفر ۲۹ مه
۱۴۰۳ هـ ش د سنبلې ۱۲ مه
۲۰۲۴ م د سپټمبر ۲ مه
