د لوړو زده کړو وزارت علمي معین په خپل کاري دفتر کې د ناروې له سفیر سره وکتل.
د لوړو زده کړو وزارت علمي معین دوکتور لطف الله خیرخواه د ناروې سفیر ته د ښه راغلاست تر څنګ، د افغانستان د تحصیلي نظام په اړه معلومات ورکړل او ویې ویل چې موږ د لابراتوارونو، تدریسي بلاکونو او د تحصیلي سکټور د ځواکمنتیا لپاره په بېلا بېلو برخو کې همکاریو ته اړتیا لرو.
وروسته د ناروې سفیر پالکومن بېکن له افغانستان سره د دوامدارې مرستې ژمنه وکړه او ویې ویل چې د افغانستان د لوړو زده کړو وزارت غوښتنې به د خپل هېواد له اړوندو چارواکو سره شریکې کړي.
د یادولو وړ ده چې د دې لیدنې پر مهال د دواړو اړخونو تر منځ د علمي او اکاډمیکو همکاریو پر پیاوړتیا ټنګار وشو.
