د لوړو زده کړو وزارت مالي او اداري معنیت شورا د همغږۍ ناسته د دغه وزارت مالي او اداري معین په مشرۍ ترسره شوه.
په پیل کې د لوړو زده کړو وزارت مالي او اداري معین مولوي حافظ محمد حامد حسیب په اسلام کې د شورا او مشورې پر ارزښت خبرې وکړې او د دې شورا اړوندو ریاستونو مسؤلینو ته یې په پوره معنی د ورسپار شویو مسؤلیتونو د حق ادا کولو او په اخلاص کار کولو سپارښتنې وکړې.
همدارنګه په یاده شورا کې تېرو پرېکړو ته لڼده کتنه وشوه او وروسته د شورا غړو آجندا سره سم د مالي او اداري معینیت اړوندو ریاستونو د کلنۍ ارزونې، په پوهنتونونو کې د لیلیو د اعاشوي موادو په هکله پر تدارکاتو، د لوړو زده کړو وزارت د مسجد په جوړېدو او په امارتي پوهنتونونو کې د نشراتي فعالیتونو د لا معیاري کولو ترڅنګ په یو شمېر متفرقه موضوعاتو بحث او د نظر تبادله وشوه او په اړه یې لازمې پرېکړې وشوې.
