د لوړو زده کړو سرپرست وزیر د خصوصي پوهنتونونو له یو شمیر استازو سره ناسته ترسره کړه
۲۱ سلواغه ۱۴۰۰
د لوړو زده کړو سرپرست وزیر د خصوصي پوهنتونونو له یو شمیر استازو سره ناسته ترسره کړه.
په دې ناسته کې د لوړو زده کړو سرپرست وزیر مولوي عبدالباقي حقاني، د خصوصي پوهنتونو د اتحادیې رئیس دوکتور احمد طارق کمال، د خصوصي پوهنتونو د اتحایې اجراییه رئیس او د یادې اتحادیې یو شمیر نورو مسؤلینو ګډون کړی وو.
د خصوصي پوهنتونونو د اتحادیې رئیس دوکتور احمد طارق کمال د لوړو زده کړو وزارت د یوه مکتوب پر اساس چې خصوصي پوهنتونونو ته استول شوی و او ترې د ټولو خصوصي پوهنتونونو او لوړو زده کړو مؤسسو رئیسانو، علمي او د محصلانو چارو مرستیالانو، د پوهنځيو رئیسانو او استادانو اړوند معلومات غوښتل شوي وو، بحث او خبرې وکړې.
دغه راز په یاده ناسته کې د خصوصي پوهنتونونو د اتحادیې رئیس د زده کړیالانو د اسنادو او ورته نورو مسایلو اړوند ستونزې شریکې کړې.
د لوړو زده کړو سرپرست وزیر مولوي عبدالباقي حقاني له لوري د همکارۍ ډاډ ورکړل شو، او له هغوی څخه یې د خصوصي تحصیلي بنسټونو معیاري کولو او د یاد مکتوب د عملي کولو په برخه کې لازمې سپارښتنې وکړې.
