په پام کې ده چې د هېواد په لویو پوهنتونونو کې د پښتو ژبې او ادبیاتو د ماسټري پروګرامونو ته لار هواره شي

baqir_admin
دوشنبه ۱۴۰۰/۲/۲۰ - ۶:۹
g

په پام کې ده چې د تقنیني اسنادو پر بنسټ د هېواد لویو پوهنتونونو تر منځ د ماسټرۍ ګډ پروګرام په لوړ او معیاري کیفیت رامنځته شي چې په لومړي نوښت کې د هېواد د دولتي پوهنتونو تر منځ د ۷ اړخیز هوکړه لیک پر بنسټ به د پښتو ژبې او ادبیاتو پوهنځي د ماسټري پروګرام ته لار هواره شي.

دغه انلاین ناسته نن د لوړو زده کړو وزارت علمي معین پوهنمل عبدالتواب بالاکرزي په مشرۍ تر سره شوه چې د دغه وزارت ځینو رییسانو او ۷ پوهنتونونو استازو هم ګډون پکې کړی وو. د هوکړې د غني کولو په اړه هر اړخیزې خبرې پکې وشوې.

پوهنمل عبدالتواب بالاکرزي د ورته پروګرامونو موخه چې د یوه نوي مودل پر بنسټ له شته اسانتیاوو څخه په ګټې تر سره کېږي، د ماسټرۍ په کچه د کادرونو او څانګپوهانو په روزنه کې د هېواد د تحصیلي بنسټونو له تخنیکي، معنوي او انساني سرچینو څخه سمه ګټه اخیستنه، د کار بازار د اړتیاوو پر بنسټ د کادرونو روزنې او په هېواد کې د پښتو ژبې او ادبیاتو د ودې او پیاوړتیا پروسې ته لار هوارول وبلل.

د لوړو زده کړو وزارت علمي معین وویل چې د هېواد په اوسنیو شرایطو کې له فوق لېسانس زده کړو سره د ځوانانو لېوالتیا ډېره شوې او په دې برخه کې د ولسمشرۍ عالي مقام سپارښتنې هم د هېوادوالو د غوښتنو پر بنسټ شته ده.

پوهنمل بالاکرزي زیاته کړه چې په راتلونکي کې به د نورو څانګو پلي کولو په موخه له دغه مودل څخه د هېواد لویو پوهنتونونو په همکارۍ په هغو بنسټونو کې ګټه واخیستل شي چې د ماسټرۍ پروګرام رامنځته کولو اړتیا پکې لیدل کېږي.

هغه همدارنګه په هوکړه کې د شاملو پوهنتونونو علمي مرستیالانو ته سپارښتنه وکړه چې د یادې مسودې د بډاینې او ښه پلي کولو په پار ګډې ناستې جوړې کړي او د دې میاشتې تر پایه خپل نظرونه او وړاندیزونه له لوړو زده کړو وزارت سره شریک کړي.

د مسوولینو په وینا په دغه پروګرام کې کابل، ننګرهار، د شهید استاد رباني ښوونې او روزنې، بلخ، هرات او شیخ زاید پوهنتونونه شامل دي، چې د هوکړې تر لاسلیک وروسته به یاد پروګرام په عملي توګه پیل شي.

تازه خبرونه

شنبه ۱۴۰۰/۳/۲۲ - ۱۱:۲۲
Background image

د چاپېریال ساتنې نړیواله اوونۍ په شېخ زاید پوهنتون کې ونمانځل شوه

شېخ زاید پوهنتون کې د کرنې پوهنځي او د چاپېریال ساتنې ریاست لخوا په ګډې همغږۍ ونمانځل شوه.

په دې غونډه کې د پوهنتون رئیس پوهنمل حسین ګل اریوبي په پیلیزو خبرو کې زیاته کړه، چې د. . .

شنبه ۱۴۰۰/۳/۲۲ - ۱۱:۱۵
Background image

البیروني پوهنتون بیا عادي حالت ته د راګرځېدلو لپاره د بحران مدیریت تدابیر پلي کېږي

د البیروني پوهنتون د استادانو او اداري کارکوونکو پر موټر د سړک د غاړې ماین چاودنې وروسته د علمي کادري او اداري غړو تر منځ ژور خفګان رامنځته شوی.

نو د حالاتو د مدیریت او ژر تر ژره عادي. . .

پنجشنبه ۱۴۰۰/۳/۲۰ - ۸:۴۴
Background image

د قزاقستان هېواد د لېسانس دورې بورسیې رقابتي ازموینه نن په لوړو زده کړو وزارت کې واخیستل شوه

د افغانستان او قزاقستان هېواد لوړو زده کړو وزارتونو تر منځ لاسلیک شوي هوکړه لیک پر بنسټ د قزاقستان هېواد هر کال د لېسانس، ماسټرۍ او دوکتورا په کچه ۳۰ تحصیلي بورسونه د لوړو زده کړو وزارت. . .

BACK TO NEWS