د کابل پوهنتون د کرنې پوهنځي څلور نوي لابراتوارونه فعال شول.
د کرنې پوهنځی اته څانګې لري چې تر دې مهاله د محصلینو د عملي کار لپاره څلور فعال لابراتوارونو شتون درلود، د پوهنځی د علمي شورا د پرېکړې له مخې له شته امکاناتو څخه د استفادې لپاره يوه کميټه وټاکل شوه چې ټول فعال لابراتوارونه وڅیړي او له اضافي وسایلو څخه یې نوي لابراتوارونه جوړ کړي تر څو د محصلينو او استادانو د څيړنو لپاره اماده شي.
د يادې شوې کمېټې له ارزونې وروسته د موجوده فعالو لابراتوارونو اضافي وسايل چې له ډېرو کلونو راهيسې نه وو کارول شوي په نښه شول او د خاورې پوهنې، ځنګلدارۍ او طبيعي زېرمو، هارټیکلچر او بايو تکنالوژۍ څانګو غير فعال لابراتوارونو ته ولېږدول شول.
چې په دې اساس ټولې څانګې په لابراتوارونو سمبال شوي. لدې جملي څخه د معاصرې نړۍ اړتيا د ټيشو کلچر لابراتوار فعاليدل د ډير اهميت وړ ده. د کابل پوهنتون رياست د کرنې پوهنځي د دا ډول هڅو او نوښتونو قدرداني کوي او د لا زياتو هڅو غوښتنه کوي.
