د کابل پولیتخنیک پوهنتون او د کابل ښوونې او روزنې پوهنتون د اداري کارکوونکو لپاره شپږ ورځنی روزنیز ورکشاپ چې د لوړو زده کړو وزارت د بشري سرچينو ریاست له خوا جوړ شوی و، په بریالیتوب سره پای ته ورسید.
په دغه روزنیز ورکشاپ کې چې د یادو پوهنتونونو ۵۲ تنو کارکوونکو ګډون کړی وو، د پلان جوړونې او د اداري چارو د پرمختګ په برخه کې د کمپیوټري مهارتونو د زده کړې په اړه زده کړه ورکړل شوه.
د مسؤلینو په وينا، د دغه ډول ورکشاپونو جوړول د كاركوونكو د كاري ظرفيتونو په لوړولو كې اغېزمن دي او پر دوام يې ټينګار وكړ.
همدارنګه د یاد ورکشاپ له فارغینو څخه وغوښتل شول چې خپلې پوهې په عمل کې تطببق کړي او د اداري موخو ترلاسه کولو په موخه له شته معلوماتو څخه اعظمي ګټه پورته کړي.
