د هېواد د کابینې د مصوبو د پروسې د چټکتیا په موخه ناسته تر سره شوه

baqir_admin
یکشنبه ۱۴۰۰/۱/۲۲ - ۱۰:۲۵
f

د لوړو زده کړو مشرتابه پلاوي او د ولسمشرۍ اداري امور د دولتي چارو د انسجام معاونیت تر منځ د هېواد د کابینې د مصوبو د پروسې د چټکتیا په موخه ناسته تر سره شوه.

په دغه ناسته کې د کابینې د چارو د انسجام مشر وحید حلیم یار او د لوړو زده کو وزارت د اړوند اداري چارو کارپوهانو، معینانو او رییسانو ګډون کړی وو او د لوړو زده کړو وزیر دوکتور عباس بصیر، د ولسمشرۍ عالي مقام له سپارښتنو سره سم د هېواد د کابینې د مصوباتو پلي کولو په اړه معلومات ورکړل.

هغه زیاته کړه؛ دغه وزارت د افغانستان د لوړو زده کړو د کمېسیون د جوړولو طرحې، د تحصیلي بنسټونو بیاکتنې، ارزونې او عملیاتي پلان جوړولو، د کالجونو د کمیونتي موضوع، له ورځنیو اړتیاوو سره سم د پوهنځيو رامنځته کول او نورو برخو د کار د پرمختګ او څرګندتیا په برخه کې ګامونه اخیستي چې مفصل راپور به یې ولسمشرۍ عالي مقام ته وړاندې کړي.

د ناستې ګډونوالو په زیاته همغږۍ ټینګار وکړ او د لوړو زده کړو د HECA کمېسیون د رامنځته کولو طرحې د څرګندتیا او پرمختګ، د ولسمشرۍ عالي مقام له سپارښتنو سره سم د خصوصي لوړو زده کړو موسسو د څېړلو په اړه د ټاکل شوي پلاوي د ا.ا.ج کابینې ته د راپور ورکولو څرګندتیا، د یوه ګډ پلاوي په مټ د هېواد د خصوصي لوړو زده کړو موسسو د کمیت او کیفیت او همدارنګه د څانګو د ظرفیت ارزونو په اړه د ا.ا.ج وروستۍ کابینې په اړه د معلوماتو وړاندې کول، د HEMIS سیسټم د پرانیستنې په اړه د لوړو زده کړو وزارت د تیاري، د ولسمشرۍ د عالي شوراوو د ریاست مصوبو او ا.ا.ج د کابینې د مصوبو چې د عملي کېدو په حال او یا تر اوسه نه دي عملي شوي، پر چټک عملي کېدو ټینګار، د کالج کمیونیتي په اړه د معلوماتو وړاندې کول او همدارنګه په دولتي او خصوصي لوړو زده کړو سکټور کې د ملي سمپوزیم د جوړولو په اړه هر اړخیزې ویناوې وکړې.

د لوړو زده کړو وزارت او اداري امورو تر منځ د لوړو زده کړو سکټور اړینو فعالیتونو د انسجام او ګټورتیا په موخه پر همغږۍ ټینګار وشو او لوړو زده کړو وزارت ژمنه وکړه، د ولسمشرۍ عالي مقام له سپارښتنو سره سم د کابینې د مصوبو د څرګندتیا او عالي شوراوو په اړه د راپور چټکتیا په برخه کې به هراړخیز اقدام وکړي.

تازه خبرونه

سه‌شنبه ۱۴۰۰/۲/۲۱ - ۵:۵
Background image

مالي او اداري معین نور احمد دروېش په کابل پوهنتون کې د برېښنایي پېژندپاڼو وېشلو ټیم وستایه

 د لوړو زده کړو وزارت مالي او اداري معین په کابل پوهنتون کې د برېښنایي پېژندپاڼو د وېشلو ټیم وستایه او د پېژندپاڼو وېشلو او خلکو د ښو اسانتیاوو رامنځته کولو په برخه کې یې د هغوی مدیریت. . .

دوشنبه ۱۴۰۰/۲/۲۰ - ۱۰:۳۲
Background image

د لوړو زده کړو وزیر د اساسي قانون پر پلي کېدو د څار کمېسیون له غړي سره وکتل

د لوړو زده کړو وزیر دوکتور عباس بصیر د اساسي قانون پر پلي کېدو د څار کمېسیون له غړي عبدالله شفاهي سره ولیدل.

د دغې لیدنې موخه له اساسي قانون څخه د تحصیلي بنسټونو د خبرولو پروګرامونو. . .

دوشنبه ۱۴۰۰/۲/۲۰ - ۶:۹
Background image

په پام کې ده چې د هېواد په لویو پوهنتونونو کې د پښتو ژبې او ادبیاتو د ماسټري پروګرامونو ته لار هواره شي

په پام کې ده چې د تقنیني اسنادو پر بنسټ د هېواد لویو پوهنتونونو تر منځ د ماسټرۍ ګډ پروګرام په لوړ او معیاري کیفیت رامنځته شي چې په لومړي نوښت کې د هېواد د دولتي پوهنتونو تر منځ د ۷ اړخی. . .

BACK TO NEWS