د ننګرهار پوهنتون کرنې پوهنځي کې اووه څېړنیزې پروژې پرانیستل شوې

baqir_admin
یکشنبه ۱۳۹۹/۱۲/۱۰ - ۱۰:۳۵
G

یادې څېړنې د هند کرنیز تحقیقي پوهنتون (IARI) د ماسټرۍ دورې افغان محصلینو له‌خوا د ننګرهار پوهنتون کرنې پوهنځي د استادانو په لارښوونه ددې پوهنتون په تحقیقاتي فارم کې د شپږو میاشتو په موده کې د مېوو، سبزیو او ګلانو پر بوټو او حیواناتو ترسره کېږي.

 د ننګرهار پوهنتون رییس پوهاند ډاکټر خلیل احمد بهسودوال د یادو پروژو د پرانیستې پر مهال د څېړنو او علمي تحقیقاتو په اړتیا او اهمیت خبرې وکړې او یاده چاره یې د پوهنتونونو اصلي دنده او مکلفیت وباله.

نوموړي د هند د نړیوال کرنیز تحقیقاتي پوهنتون د محصلینو له‌خوا په ننګرهار پوهنتون کې ددې پوهنتون د استادانو په لارښوونه د څېړنو ترسره کول لویه لاسته راوړنه وبلله، چې په وینا یې دا په ننګرهار پوهنتون د نړیوالو باور په ګوته کوي.

د ننګرهار مرستیال والي پوهنوال ببرک میاخېل، د کرنې پوهنځي رییس پوهندوی دوکتور رشاد احمد شېرزاد، د یاد پوهنځي استاد پوهاند میرحاتم نیازی او د لغمان پوهنتون رییس پوهندوی دوکتور عصمت الله درانی د غونډې نور ویناوال وو؛ چې ټولو په وار سره د یادو څېړنو په پیل خوښي وښوده او هغه يې د کرنې پوهنځي محصلینو د عملي زده کړو سربېره په اړونده برخه کې د کرنیز سکټور د شته ستونزو د اواري له‌پاره ګټورې وبللې.

 د ننګرهار پوهنتون د کرنې پوهنځي استاد پوهنیار طیب الله زاهد وویل: "مونږ ۷ تنو محصلینو، چې څلور تنه د ننګرهار، کونړ سیدجمال الدین افغاني او بغلان پوهنتونونو استادان او درې تنه نور ازاد محصلین دي، خپل درسي بهیر د هندوستان کرنیز تحقیقاتي پوهنتون کې بشپړ کړی، چې اوس خپلې څېړنې د نوموړي پوهنتون په لارښوونه او موافقه په ننګرهار پوهنتون کې ترسره کوو. "

نوموړي د ننګرهار پوهنتون او کرنې پوهنځي له مشرتابه مننه وکړه، چې دوی ته یې د څېړنو د ترسراوي زمینه برابره کړې ده.

تازه خبرونه

پنجشنبه ۱۴۰۰/۱/۱۹ - ۵:۳۳
Background image

د آلمان هېواد لایپزیک پوهنتون د ژورنالیزم ډګر استادانو د ظرفیت لوړولو په برخه کې همکاري کوي

په پام کې ده چې د آلمان هېواد لايپزيگ پوهنتون د هېواد له تحصیلي بنسټونو سره د ژورنالیزم په برخه کې د تجربو تبادلې او د استادانو ظرفیت لوړولو کې همکاري وکړي.

په هغه ناسته کې چې نن د. . .

چهارشنبه ۱۴۰۰/۱/۱۸ - ۱۲:۳۹
Background image

د علي آباد تدریسي روغتون د تغذیې څانګه او د کابل ابو علي ابن سینا د طبي علومو پوهنتون د تغذیې ډیپارټمنټ لابراتوار پرانیستل شو

د علي آباد تدریسي روغتون د تغذیې څانګه او د کابل ابو علي ابن سینا د طبي علومو پوهنتون د تغذیې ډیپارټمنټ لابراتوار د لوړو زده کړو وزیر ډاکټر عباس بصیر لخوا پرانیستل شوه.

په دغه محفل کې. . .

چهارشنبه ۱۴۰۰/۱/۱۸ - ۱۰:۲۶
Background image

د لوړو زده کړو وزیر دوکتور عباس بصیر د افغانستان مخابراتي خدمتونو د تنظیم ادارې (اترا) له مشر سره ولیدل

د دغې لیدنې موخه د کار رامنځته کول او نوښت ملي پروګرام د مرکز رامنځته کولو پر طرحې او د رامنځته کولو لپاره یې د لوړو زده کړو وزارت د همکارۍ پر څرنګوالي خبرې کول و.

په دغه لیدنه کې چې د. . .

BACK TO NEWS