د ملي قابلیتونو د تثبیت ناسته تر سره شوه

baqir_admin
یکشنبه ۱۴۰۰/۱/۲۲ - ۱۲:۱۸
g

د ملي قابلیتونو تثبیت د تحصیلي اسنادو د هویت پېژندنې او په نړیواله کچه د عالي تحصیلي بنسټونو د باور لامل ګرځي.

دغه ټکی د لوړو زده کړو زدکړیالانو چارو معین پوهندوی سید فرهاد شهید زاده د افغانستان لوړو زده کړو د ملي قابلیتونو پېژندنې چارچوب په اړه د نظر تبادلې بحث یو ورځني ورکشاپ په پرانیستغونډه کې بیان کړ.

په دغه یوه ورځني ورکشاپ کې د هېواد له ۱۲ پوهنتونونو څخه د ملي قابلیتونو او نصاب څانګپوه استادانو، د ملي قابلیتونو پېژندنې په اړه د بحث لپاره ګډون کړی وو.

د لوړو زده کړو د زدکړیالانو چارو معین د ملي قابلیتونو پېژندنې چوکاټ په اړه د تخصصي نظرونو وړاندې کولو، سټنډرډ کولو او له نړیوالو معیارونو سره یې همغږي کول یوه جدي اړتیا وبلله او د هغه موخه یې د ملي قابلیتونو پېژندنه او په ملي او نړیواله کچه پرتله کول، د کیفیت لوړول یې، د پایلې پر بنسټ د روزنیز نظام پرمختګ د هغه کرېډېټ ته په کتو او همدارنګه په هېواد کې دننه او بهر ته یې لېږل وبلل

د زدکړیالانو چارو معین وویل، چې د صنعت، اقتصاد، تخنیک، د کار بازار او روزنیز سیسټم تر منځ اړیکې او په کور دننه د ملي قابلیتونو نومونې ته پام او همغږي د لوړو زده کړو او تخصصي زده کړو د پرمختګ لامل ګرځي. دغه راز له هېواد څخه بهر د افغانستان د لوړو زده کړو بنسټونو فارغان د خپلې خوښې څانګه کې له ځنډ او کمښت پرته منل کېږي

د شهید زاده په وینا څوک چې په افغانستان کې د MD، کانونو، کرنې او نورو برخو کې زده کړې کوي، باید له هېواد څخه بهر هم په همدغه برخه کې له راکمېدو او ملاحظاتو پرته ونیول شي.

د لوړو زده کړو د زدکړیالانو چارو معین پوهندوی سید فرهاد شهید زاده وویل چې د قابلیتونو د پېژندنې چوکاټ، د قابلیتونو پېژندنې بورډ او لوړو زده کړو مقام مشرتابه له تایید وروسته به د تصویب لپاره د جمهوري اسلامي افغانستان کابینې ته وړاندې شي.

تازه خبرونه

سه‌شنبه ۱۴۰۰/۲/۲۱ - ۵:۵
Background image

مالي او اداري معین نور احمد دروېش په کابل پوهنتون کې د برېښنایي پېژندپاڼو وېشلو ټیم وستایه

 د لوړو زده کړو وزارت مالي او اداري معین په کابل پوهنتون کې د برېښنایي پېژندپاڼو د وېشلو ټیم وستایه او د پېژندپاڼو وېشلو او خلکو د ښو اسانتیاوو رامنځته کولو په برخه کې یې د هغوی مدیریت. . .

دوشنبه ۱۴۰۰/۲/۲۰ - ۱۰:۳۲
Background image

د لوړو زده کړو وزیر د اساسي قانون پر پلي کېدو د څار کمېسیون له غړي سره وکتل

د لوړو زده کړو وزیر دوکتور عباس بصیر د اساسي قانون پر پلي کېدو د څار کمېسیون له غړي عبدالله شفاهي سره ولیدل.

د دغې لیدنې موخه له اساسي قانون څخه د تحصیلي بنسټونو د خبرولو پروګرامونو. . .

دوشنبه ۱۴۰۰/۲/۲۰ - ۶:۹
Background image

په پام کې ده چې د هېواد په لویو پوهنتونونو کې د پښتو ژبې او ادبیاتو د ماسټري پروګرامونو ته لار هواره شي

په پام کې ده چې د تقنیني اسنادو پر بنسټ د هېواد لویو پوهنتونونو تر منځ د ماسټرۍ ګډ پروګرام په لوړ او معیاري کیفیت رامنځته شي چې په لومړي نوښت کې د هېواد د دولتي پوهنتونو تر منځ د ۷ اړخی. . .

BACK TO NEWS