د لوړو زده کړو وزیر دوکتور عباس بصیر د افغانستان مخابراتي خدمتونو د تنظیم ادارې (اترا) له مشر سره ولیدل

baqir_admin
چهارشنبه ۱۴۰۰/۱/۱۸ - ۱۰:۲۶
ب

د دغې لیدنې موخه د کار رامنځته کول او نوښت ملي پروګرام د مرکز رامنځته کولو پر طرحې او د رامنځته کولو لپاره یې د لوړو زده کړو وزارت د همکارۍ پر څرنګوالي خبرې کول و.

په دغه لیدنه کې چې د لوړو زده کړو وزارت مالي او اداري معین او د اترا ادارې مرستیال هم شتون درلود، د (اترا) ادارې مشر عمر منصور انصاري وویل چې دغې ادارې پر یوې طرحې کار کړی چې پر بنسټ به یې د معلوماتي او ډیجیټلي ټکنالوژۍ په برخه کې د خلاقو طرحو د ملاتړ یو روزنیز مرکز رامنځته شي چې د نوښت او کار رامنځته کولو لامل کېږي.

د هغه په وینا په دې مرکز کې زدکړیالان او د ټولنې نور نوښتګر او خلاق کسان د معلوماتي ټکنالوژۍ په برخه کې د تولیدي شرکتونو رامنځته کولو لپاره روزل کېږي.

د لوړو زده کړو وزیر دکتور عباس بصیر یاده طرحه د دغه وزارت له موخو سره برابره وبلله او ویې ویل چې د لوړو زده کړو وزارت په دې برخه کې یو لړ پروګرامونه لري چې د هېواد ښوونیز نظام د څېړنې او د نوښت او خلاقیت په لور برابر شي.

هغه وویل چې دغه وزارت به د یاد مرکز د رامنځته کلولو لپاره د وړ ځای په برخه کې یوه وړ او قانوني کړنلاره ولټوي او په دې برخه کې به هېڅ ډول مرسته ونه سپموي.

همدارنګه د لوړو زده کړو وزارت مالي او اداري معین نور احمد دروېش په خپلو ویناوو کې د یادې ادارې له مشر څخه وغوښتل چې خپله طرحه له دوی سره شریکه کړي ترڅو په دې برخه کې اغېزناک او غوره ګامونه پورته شي.

تازه خبرونه

سه‌شنبه ۱۴۰۰/۲/۲۱ - ۵:۵
Background image

مالي او اداري معین نور احمد دروېش په کابل پوهنتون کې د برېښنایي پېژندپاڼو وېشلو ټیم وستایه

 د لوړو زده کړو وزارت مالي او اداري معین په کابل پوهنتون کې د برېښنایي پېژندپاڼو د وېشلو ټیم وستایه او د پېژندپاڼو وېشلو او خلکو د ښو اسانتیاوو رامنځته کولو په برخه کې یې د هغوی مدیریت. . .

دوشنبه ۱۴۰۰/۲/۲۰ - ۱۰:۳۲
Background image

د لوړو زده کړو وزیر د اساسي قانون پر پلي کېدو د څار کمېسیون له غړي سره وکتل

د لوړو زده کړو وزیر دوکتور عباس بصیر د اساسي قانون پر پلي کېدو د څار کمېسیون له غړي عبدالله شفاهي سره ولیدل.

د دغې لیدنې موخه له اساسي قانون څخه د تحصیلي بنسټونو د خبرولو پروګرامونو. . .

دوشنبه ۱۴۰۰/۲/۲۰ - ۶:۹
Background image

په پام کې ده چې د هېواد په لویو پوهنتونونو کې د پښتو ژبې او ادبیاتو د ماسټري پروګرامونو ته لار هواره شي

په پام کې ده چې د تقنیني اسنادو پر بنسټ د هېواد لویو پوهنتونونو تر منځ د ماسټرۍ ګډ پروګرام په لوړ او معیاري کیفیت رامنځته شي چې په لومړي نوښت کې د هېواد د دولتي پوهنتونو تر منځ د ۷ اړخی. . .

BACK TO NEWS