د لوړو زده کړو وزارت محصلانو چارو معنیت شورا ناسته د دغه وزارت د محصلانو چارو معین مفتي محمد طاهر احمد په مشرۍ ترسره شوه.
د لوړو زده کړو وزارت محصلانو چارو د معینیت شورا ناسته د دغه وزارت د محصلانو چارو معین مفتي محمد طاهر احمد په مشرۍ ترسره شوه.
د غونډې په پیل کې د لوړو زده کړو وزارت محصلانو چارو معین په چارو کې د لازمو اسانتیاوو په رامنځته کولو او له مراجعینو سره پر ښه چلند، د کیفیت په لوړولو او اداري سیستم په لا منظمولو ټینګار وکړ او له اړوندو رئیسانو یې وغوښتل، چې د خپلو ادارو نظم او ډسپلین ته زیاته پاملرنه وکړي.
وروسته د اجنډا سره سم د شورا غړو د دولتي محصلانو چارو ریاست اړوند د HEMIS پر تطبیق، چې اوس په ټولو پوهنتونو کې تطبیق کېږي، خو په یو شمېر برخو کې یې د مشکلاتو او موانعو د حل، د محصلانو د منوګرافونو او تېزسونو لپاره د واحد ډيټابیس په جوړولو ترڅو له دې لارې د منوګرافونو او تېزسونو د کاپي پیسټ مخه ونیول شي او همدارنګه په بازار کې د لیکونکو منوګرافونو او تېزسونو د مخ نیوي او یو شمېر متفرقه موضوعاتو په اړه بحث او پرېکړې وشوې او د تطبیق په موخه اړوندو څانګو ته محول شوې.
